Žalmi 40:2 - Le Devleskero Lav Andre Romaňi Čhib Slovensko 2021

² Igen užaravas pro RAJ, ov pes ke ma visarďa a šunďa man, sar vičinavas andro pharipen.

Žalmi 40:2 ပူးပေါင်းရင်းမြစ်များ

Žalmi 116:3

Phandle man andre o puta le meribnaskre; avľa pre ma e dar le hroboskri; zaiľa man e žaľa the o pharipen.

Žalmi 119:133

Ľidža mire kroki tire laveha. Ma domuk, hoj upral mande o binos te vladňinel!

Žalmi 143:3

O ňeprijaťeľis pre mande džal, demel manca andre phuv; thovel man te bešel andro kaľipen sar olen, ko imar čirla mule.

Žalmi 17:5

Phiravas pal tire stopaja, o pindre mange na podgele.

Žalmi 18:36

Diňal man šťitos, so man ochraňinelas, tiro čačo vast man delas zor a tu banďiľal tele, hoj mandar te keres bares.

Žalmi 18:7

Sar somas andro pharipen, vičinavas a rovavas pre miro Del, hoj mange te pomožinel. Andral peskro chramos šunďa miro hangos, miro viskišagos geľa dži anglal leste andre leskre kana.

Žalmi 27:5

Bo andro nalačho džives man chraňinela pre peskro garudo than, garuvela man andre peskro sveto stanos a thovela man te ačhel učes pre skala.

Žalmi 37:23

O RAJ zoraľarel o kroki oleske, kaskro drom leske hin pre dzeka.

Žalmi 61:2

Devla, šun miro roviben, odphen pre miro mangipen!

Žalmi 69:2

Zachraňin man, Devla, bo o paňi mange avľa upre dži e meň.

Žalmi 71:20

Kajte mange diňal te prindžarel but pharipena the čoripena, ale pale man obdžiďareha a cirdeha man upre dži telal andral e phuv.

Žalmi 86:13

Baro hin tiro verno kamiben ke ma, cirdňal man avri dži andral o nekteluneder than le mulengro.

Izajaš 24:22

Skidela len pre kopa sar le bertenošen andre jama, ena phandle andre bertena a pal o but dživesa ena marde.

Zacharijaš 9:11

A tu – vaš miri zmluva, so tuha phandľom le rateha, oslobodzinava tire zaile manušen andral e chaňig, kaj nane paňi.“

Matuš 13:50

a čhivena len andro jagalo bov. Ode ela o roviben a randena le dandenca andre dukh.“

Skutki 2:24

No o Del les uštaďa andral o meriben a iľa lestar o meribnaskre dukha, se aňi pes na delas, hoj les o meriben te ľikerel andre peskri zor.