Žalmi 39:9 - Le Devleskero Lav Andre Romaňi Čhib Slovensko 2021

⁹ zachraňin man dojekhe mire binostar. Ma domuk, hoj o dilino mandar te asal!

Žalmi 39:9 ပူးပေါင်းရင်းမြစ်များ

2. Samueloskro 16:10

Ale o David phenďa: „Čhavale la Cerujakre, so tumen hin andre oda? Bo te o RAJ leske phenďa, hoj man te košel, akor ko leske šaj phenel: ‚Soske ada keres?‘ “

O Job 1:21

a phenďa: „Lango avľom andral o per la dakro a lango džava pale pre oda than, khatar avľom. O RAJ diňa a o RAJ iľa. Mi el lašardo o nav le RAJESKRO!“

O Job 2:10

Ale o Job lake phenďa: „Vakeres sar varesavi diliňi džuvľi. So, ča o lačho prilaha le Devlestar a o nalačho na?“ Sar pes kada savoro ačhiľa, o Job na kerďa binos peskre vuštenca.

Žalmi 38:13

Ola, ko man kamen te murdarel, thode angle ma e pasca; ola, ko man kamen te dukhavel, peske vakerenas, sar man zňičinena; calo džives gondoľinen, sar manca te thovel avri.

3. Mojžišoskro 10:3

O Mojžiš phenďa le Aronoske: „Kada hin oda, so phenďa o RAJ: ‚Pre ola, ko ke ma avena, sikavava, hoj som sveto; angle savore manuša avava oslavimen.‘ “ Ale o Aron sas čhit.

1. Samueloskro 3:18

Avke o Samuel leske phenďa avri savoro a ňič anglal leste na garuďa. Paľis o Eli phenďa: „Ov hino o RAJ. Mi kerel oda, so hin lačho angle leskre jakha.“