Žalmi 39:13 - Le Devleskero Lav Andre Romaňi Čhib Slovensko 2021

¹³ RAJEJA, šun avri miro mangipen! Šun man, sar vičinav, hoj mange te pomožines! Ma av čhit, sar me rovav! Se ke tu som ča cudzincos, ča hosťos avke sar savore mire dada.

Žalmi 39:13 ပူးပေါင်းရင်းမြစ်များ

1. Mojžišoskro 42:36

Akor lenge o dad o Jakob phenďa: „Tumen kamen, hoj te našavav savore mire čhaven? O Jozef imar nane, aňi o Šimeon! A akana mange kamen te lel the le Benjamin? Me som oda, ko cerpinav vaš oda savoro!“

1. Mojžišoskro 47:9

O Jakob odphenďa le faraonoske: „Miro dživipnaskro drom ľikerel šel the tranda (130) berš. O dživipena mire dadengre ľikerenas buter a na sas ajse phare sar miro.“

1. Mojžišoskro 5:24

a calo peskro dživipen phirelas le Devleha a jekhvareste našľiľa, bo o Del les iľa.

2. Kraľengro 20:3

„Ó, RAJEJA, mangav tut, leper tuke pre oda, sar pačivales a cale jileha phiravas pal tiro drom a sar keravas savoro, so sas lačho angle tire jakha.“ A chudňa igen zorales te rovel.

1. Kronicko 29:15

Sam cudzinci the hosci andre tire jakha, avke sar the amare phure dada. Amaro časos pre kadi phuv hino sar o ciňos, so predžal, a sig meras.

O Job 7:19

Kana pre ma preačheha te dikhel? Na domukes mange aňi te preľiginel e šľina!

Žalmi 119:19

Kade pre phuv som ča cudzincos, ma garuv angle mande tire prikazaňja!

Žalmi 18:7

Sar somas andro pharipen, vičinavas a rovavas pre miro Del, hoj mange te pomožinel. Andral peskro chramos šunďa miro hangos, miro viskišagos geľa dži anglal leste andre leskre kana.

3. Mojžišoskro 25:23

„ ‚E phuv pes našťi bikenel pro furt, bo hiňi miri. Tumen san ke ma ča sar o cudzinci the sar ola, ko kade ča bešen.