Žalmi 38:5 - Le Devleskero Lav Andre Romaňi Čhib Slovensko 2021

⁵ Bo mire bini man zaile andre, sar baro pharipen, so hin phareder sar šaj zľidžav.

Žalmi 38:5 ပူးပေါင်းရင်းမြစ်များ

Ezdraš 9:6

„Devla miro, igen man ladžav te hazdel miro muj upre ke tu, miro Del, bo amare bini amen prebararde a amaro nalačhipen imar hino dži paš o ňebos.

Žalmi 32:3

Sar somas čhit, o kokala andre mande šučonas avri a calo džives stukinavas dukhatar.

Žalmi 38:7

Som skurčimen a banďardo tele, calo džives ča phirav rovibnaha.

Žalmi 40:13

Bo ajci pharipena pre mande avle, hoj pes aňi na den te zrachinel. Mire bini man zaile andre a našťi dikhav; hine buter sar o bala pre miro šero; miro jilo našaďa e zor.

Žalmi 65:4

Sar amen thovel tele amaro nalačhipen, tu amenge odmukes amare bini.

Žalmi 69:5

Ola, ko man našťi avri ačhen, kajte len nane vaš soske, hine buter sar mire bala pro šero. Zorale hine ola, ko man kamen te zňičinel, o ňeprijaťeľa, so pre ma vakeren o klamišagos. Kamen, hoj te dav pale oda, so na čorďom!

Jeremijaš 8:22

Či nane ľikos andro Gilead? Či nane ode doktoris? Akor soske na sasťon avri mire manuša?