Žalmi 38:12 - Le Devleskero Lav Andre Romaňi Čhib Slovensko 2021

¹² Mire prijaťeľa the ola, kas kamav, man obdžan angle miro nasvaľiben. The miri famelija pes mandar ľikerel dur.

Žalmi 38:12 ပူးပေါင်းရင်းမြစ်များ

O Job 19:13

Mire phralen mandar iľa het a ačhiľom cudzo olenge, ko man džanen.

Žalmi 10:9

Sar o ľevos užarel garudo andre peskri chev, avke užarel ov, hoj te chudel le slabes. Chudela le slabes a cirdela les pal peste andre sita;

Žalmi 119:110

O nalačhe mange nacirdle e pasca, ale me man tire prikazendar na visarava.

Žalmi 140:5

RAJEJA, ma domuk man andro vasta le nalačhe manušenge, ochraňin man olendar, ko pes rado maren a kamen mange te podthovel o pindre.

Žalmi 141:9

Chraňin man le pascendar, so mange kerde, the le sitendar, so mange nacirdle o nalačhe.

Žalmi 31:12

Savore mire ňeprijaťeľa, a mek the mire susedi, man tele dikhen. Ola, ko man prindžaren, mandar daran; sar man dikhen pre uľica, denašen mandar het.

Žalmi 35:20

Lengre lava na anen o smirom, ale rozľidžan o klamišagos pre ola, ko dživen andro smirom.

Žalmi 35:4

Mi ladžan pes a mi en pokorimen ola, ko man kamen te murdarel. Mi visaren pes pale ladžaha ola, ko mange gondoľinen te kerel o nalačho.

Žalmi 41:5

Phenďom: „RAJEJA, av ke ma jileskro! Sasťar man avri, bo kerďom binos anglal tu.“

Žalmi 54:3

Zachraňin man, Devla, tire naveha a sikav tira zoraha, hoj som čačipnaskro.

Žalmi 69:9

Mire phrala man ľikeren sar cudzones, prekal o čhave mira dakre som cudzincos.

Žalmi 88:9

Iľal mange mire lačhe prijaťeľen; kerďal, hoj lenge te džungľuvav. Phandlo som andre a našťi man dochudav avri;

Prislovja 19:7

Le čores našťi avri ačhen savore leskre phrala a the leskre prijaťeľa les obdžan! A sar lenca kamel te vakerel, on na kamen.