Žalmi 37:8 - Le Devleskero Lav Andre Romaňi Čhib Slovensko 2021

⁸ Preačh te rušel a omuk e choľi! Ma trapin tut, bo oda ľidžal ča pro nalačho!

Žalmi 37:8 ပူးပေါင်းရင်းမြစ်များ

1. Kraľengro 11:22

„Soske?“ phučľa lestar o Faraonos. „Chibaľinel tuke vareso kade, hoj jekhvareste kames te džal pale andre tiri phuv?“ „Na,“ odphenďa leske o Hadad, „ale the avke man muk te džal khere.“

O Job 18:4

Či vaš tuke, so tut korkoro dukhaves tira choľaha, ela e phuv zamukľi? Abo či pes e skala čhalavela pal peskro than?

O Job 5:2

Le dilines murdarela e choľi a le nagoďaveres merarela e zavisť.

Žalmi 116:11

Andre miro pharipen phenďom: „Dojekh manuš klaminel.“

Žalmi 31:22

Mi džal e chvala le RAJESKE, bo presikaďa mange peskro užasno kamiben, sar somas andro foros, pašal savo sas rozthoďi e armada.

Žalmi 73:15

Te me phenďomas: „Vakerava avke sar on,“ zradzinďomas o pokoleňje tire čhavengro.

Prislovja 14:29

O manuš, savo na choľisaľol sig, hino igen goďaver, no oda, ko sig choľisaľol, sikavel peskro diliňipen.

Prislovja 16:32

Feder hin te avel poloko andre choľi, sar te el hrďinas, feder hin oda, ko pes zľikerel, sar oda, ko domarel o foros.

Jonaš 4:1

Ale le Jonašiske pes oda dičholas igen namištes a choľisaľiľa.

Jonaš 4:9

Ale o Del phenďa le Jonašiske: „Hin oda mištes, hoj tut choľares vaš odi rastlina?“ O Jonaš leske odphenďa: „He, hin! Choľamen som pro meriben!“

Efežanenge 4:26

Te tumen ela choľi, ma keren binos a o kham te na zadžal upral tumari choľi.

Efežanenge 4:31

Preačhen te ľikerel e kirko choľi andro jilo, te rušel, te vesekedinel pes, te kerel vika a te košel. Ma keren ňič, so nane lačho.

Kološanenge 3:8

Ale akana čhiven tumendar kada savoro het: E choľi, e vibušnosť, o nalačhipen, o nalačhe lava pal aver džene the o džungale lava andral o muj.