Žalmi 37:36 - Le Devleskero Lav Andre Romaňi Čhib Slovensko 2021

³⁶ Ale paľis predžavas pašal, a dikh, imar ode na sas! Rodavas les, ale na delas pes te arakhel.

Žalmi 37:36 ပူးပေါင်းရင်းမြစ်များ

O Job 8:18

Ale sar ela avricirdlo pal peskro than, oda than phenela: ‚Šoha kade na sas.‘

Žalmi 1:4

Avres hin le nalačhe manušenca! On hine sar o phus rozphurdlo la balvajaha.

Žalmi 37:10

Imar ča sikra a o nalačho na ela; rodeha les, kaj hino, ale na arakheha.

2. Mojžišoskro 15:19

Sar le Faraonoskre graja, o maribnaskre verdana the o murša pro graja gele andro moros, o RAJ len začhiďa le paňeha, ale o Izraeliti pregele maškar o moros pal e šuki phuv.

Prislovja 12:7

O nalačhe peren a imar našľon, no e famelija le lačhe muršeskri ačhela furt.

Izajaš 17:14

Rači tumen jekhvareste daravena avri! Ale tosara imar na ela ňiko! Kavke doperena ola, ko amen občoraren, a kada užarel olen, ko amenge len o majetki.

Ezechiel 26:21

Kerava tuha o strašno koňec a imar na aveha. Rodena tut, ale imar šoha tut na arakhena, phenel o RAJ, o Adonaj.“