Žalmi 37:19 - Le Devleskero Lav Andre Romaňi Čhib Slovensko 2021

¹⁹ Na ladžana pes andro nalačho časos a andro bokhale dživesa len ela čaľipen.

Žalmi 37:19 ပူးပေါင်းရင်းမြစ်များ

Žalmi 33:19

hoj te zachraňinel lengri duša le meribnastar a lengro dživipen la bokhatar.

Prislovja 10:3

O RAJ na mukela le čačipnaskres te bokhaľol, ale le nalačhenge na domukela te chudel oda, so kamen.

Kazaťeľis 9:12

Se o manuš the avke na džanel, kana avel leskro časos, bo sar o ribi pes chuden andre meribnaskri sita a o čirikle hine chudle andre pasca, avke the le manušen zachudel o nalačho časos, so pre lende jekhvareste avel.

Izajaš 33:16

ajso manuš bešela pro uče thana a o skali pro verchi ena leskri pevnosť; chudela te chal o maro a šoha na ela bi o paňi.

Amos 5:13

Vašoda hino o goďaver akor čhit, bo nane lačho časos.

Micheaš 2:3

Vašoda phenel o RAJ kada: „Me gondoľinav te mukel pre kala manuša o nalačhipen, andral savo pes na dochudena avri; imar na phirena barikanes, bo oda ela igen nalačho časos.

Efežanenge 5:16

Kala dživesa nane lačhe, vašoda viužinen dojekh ora pre oda, hoj te keren o lačho.