Žalmi 37:10 - Le Devleskero Lav Andre Romaňi Čhib Slovensko 2021

¹⁰ Imar ča sikra a o nalačho na ela; rodeha les, kaj hino, ale na arakheha.

Žalmi 37:10 ပူးပေါင်းရင်းမြစ်များ

2. Kraľengro 9:25

Paľis o Jehu phenďa peskre veľiťeľiske le Bidkariske: „Le les a čhiv les pre maľa le Nabotoskri andral o Jezreel. Leper tuke oda, so šunďam, sar džahas duj džene pro verdan pal leskro dad Achab. O RAJ pal leste kavke phenďa:

Ester 7:10

On gele a figinde le Haman pre kaštuňi šibeňica, so diňa te kerel prekal o Mordekaj. Akor le kraľiskri choľi preačhiľa.

O Job 14:10

Ale sar merel o manuš, ačhel te pašľol; phurdel avri peskro dichos, a kaj hino?

O Job 20:5

hoj o radišagos le nalačhe manušengro na ľikerel but a o bijedevleskro thovel baripen ča sikra.

O Job 24:24

Ča pro sikra hine hazdle upre a paľis imar nane: Šučona avri sar e kvitka a merena; ena čhinde tele sar o klasi.

O Job 7:10

Imar na avela pale andre peskro kher; leskri famelija pre leste imar bisterela.

O Job 7:21

Soske mange na odmukes miro binos a na prebačines miri vina? Bo maj pašľuvava andro prachos; tu man rodeha, ale imar na avava.“

Žalmi 103:16

ale soča pre amende phurdel e balvaj, imar na sam a ňiko na džanel, kaj ačhahas.

Žalmi 49:10

hoj te dživel furt a hoj šoha te na merel.

Žalmi 52:5

Buter kames o nalačho sar o lačho, buter o klamišagos sar te vakerel o čačipen.

Prislovja 14:11

O kher le nalačhengro ela zňičimen, ale o stanos le lačhengro, kvitňisaľola.

1. Peter 4:7

O koňec savoreske hino pašes. Vašoda aven goďaver the strižba, hoj te aven pripravimen pes te modľinel.