Žalmi 35:3 - Le Devleskero Lav Andre Romaňi Čhib Slovensko 2021

³ Hazde upre e kopija the o tover pre ola, ko pre ma džan! Phen mange: „Me som tiro spaseňje.“

Žalmi 35:3 ပူးပေါင်းရင်းမြစ်များ

1. Mojžišoskro 49:18

Ó, RAJEJA miro, užarav pre tiri zachrana!

O Job 1:10

Či na thoďal e ohrada pašal leste, pašal leskro kher the pašal savoro, so les hin? E buči leskre vastengri požehňinďal a leskre stadi rozbarile pal caľi phuv.

Žalmi 27:2

Sar pre mande avle o nalačhe manuša, hoj man te chan tele, podgele o pindre mire ňeprijaťeľenge the olenge, ko pre mande džan, a pele.

Žalmi 51:12

Stvorin mange žužo jilo, ó Devla, a de man pale zor andro duchos!

Žalmi 62:7

Ča ov hin miri skala, miro spaseňje the miro hrados, ňič manca na čhalavela.

Žalmi 76:10

sar tu, Devla, ušťiľal upre, hoj te sudzines; te zachraňines savore strapimen manušen pre phuv.

Žalmi 91:16

Odmeňinava les bare dživipnaha, sikavava leske miro spaseňje.“

Izajaš 10:12

Sar o Raj dokerela savori peskri buči pro verchos Sion the andro Jeruzalem, phenela: „Marava le kraľis andral e Asirija vaš savoro leskro lašariben the savoro baripen.

Izajaš 12:2

Dikh, o Del hin miro spaseňje, pačava a na darava man, bo miri zor the giľi hin o RAJ; o RAJ ačhiľa miro spaseňje.

Лукастар 2:30

bo mire jakha dikhle tiro spaseňje,

Skutki 4:28

hoj te keren savoro oda, so tiro vast the tiri voľa imar anglal kamľa, hoj pes te ačhel.