Žalmi 34:16 - Le Devleskero Lav Andre Romaňi Čhib Slovensko 2021

¹⁶ Le RAJESKRE jakha dikhen pro spravodľiva manuša, leskre kana šunen lengro roviben.

Žalmi 34:16 ပူးပေါင်းရင်းမြစ်များ

O Job 18:17

Pre phuv pes pre leste bisterela a ňiko peske pre leskro nav na leperela.

O Job 36:7

Chraňinel olen, ko hine spravodľiva, le kraľenca lenge del te bešel pro troni a hazdel len upre pro furt.

Žalmi 10:16

O RAJ hino kraľis pro furt; o aver narodi našľona andral leskri phuv.

Žalmi 18:7

Sar somas andro pharipen, vičinavas a rovavas pre miro Del, hoj mange te pomožinel. Andral peskro chramos šunďa miro hangos, miro viskišagos geľa dži anglal leste andre leskre kana.

Žalmi 33:18

Ale le RAJESKRE jakha dikhen pre ola, ko pes lestar daran, pre ola, ko užaren pre leskro verno kamiben,

Žalmi 94:9

Či oda, ko stvorinďa o kan, na šunel? Či oda, ko kerďa e jakh, na dikhel?

Prislovja 10:7

O lačhe manuša ena leperde pro požehnaňje, ale o nav le bijedevleskro kirňola.

Prislovja 15:29

O RAJ hino dur le nalačhendar a na šunel len, ale o mangipen le lačhengro šunel avri.

Kazaťeľis 8:10

Mek dikhľom le nalačhe manušen parunde a le dromeha pal o cintiris len o manuša lašarenas takoj andre oda foros, kaj kerde o nalačhipen. Aňi kada našťi te achaľol.

Jeremijaš 17:13

RAJEJA, tu sal e Naďej le Izraeloskri. Savore, ko tut omuken, pes ladžana. Ola, ko tutar džan het, ena pisimen andro prachos la phuvakro, bo omukle le RAJES, o prameňis le džide paňeskro.

Jeremijaš 44:11

Vašoda kada phenel o Nekzoraleder RAJ, o Del le Izraeloskro: Kamav pre tumende te anel e pohroma a te murdarel avri caľi Judsko.

3. Mojžišoskro 17:10

„ ‚Te varesavo Izraelitas abo cudzincos, so bešel tumenca, chala o rat, me lestar visarava miro muj. Sakones, ko chaľahas o rat, tradava avri mire manušendar.

3. Mojžišoskro 26:17

Džava pre tumende a tumare ňeprijaťeľa tumen zňičinena; vladňinena tumenge ola, ko tumen našťi avri ačhen; denašena, kajte pre tumende ňiko na džala.

Amos 9:4

Kajte len o ňeprijaťeľa ilehas andre aver phuv, the ode prikazinava la šabľake, hoj len te murdarel. Dikhava pre lende mire jakhenca, na hoj lenge te pomožinav, ale hoj lenge te kerav o nalačho.“