Žalmi 34:11 - Le Devleskero Lav Andre Romaňi Čhib Slovensko 2021

¹¹ O terne ľevi šaj bokhaľon, bo nane len so te chal, ale olenge, ko roden le RAJES, na chibaľinela ňisavo lačhipen.

Žalmi 34:11 ပူးပေါင်းရင်းမြစ်များ

O Job 4:11

O nalačhe hine sar o ľevi, so meren bi o chaben a lengre terne pes rozdenašen.

Žalmi 107:9

bo le smednen del te pijel paňi a le bokhalen čaľarel le lačhe chabeneha.

Žalmi 111:10

O goďaveripen chudel la sveta daraha anglo RAJ; savore, ko dživen pal leskre prikazi, hine goďaver, Leske džal e chvala pro furt.

Žalmi 112:3

Andre leskro kher ela o barvaľipen a savorestar pherdo; leskro spravodľišagos ľikerela furt.

Žalmi 23:1

Le Davidoskro žalmos. O RAJ hino miro pasťjeris, ňič mange na chibaľinela.

Žalmi 32:8

Ľidžava tut a sikavava tuke o drom, khatar te džal, dava tut goďi a dodikhava pre tu mire jakhenca.

Žalmi 66:16

Aven a šunen, savore, ko daran le Devlestar, phenava tumenge, so mange kerďa o Del:

Prislovja 1:7

O prindžaripen chudel la sveta daraha anglo RAJ; ča o diline dikhen tele o goďaveripen the o sikaviben.

Prislovja 22:6

Sikav le čhas, sar mek hino ciknoro, a na oddžala olestar aňi akor, sar phurola.

Prislovja 4:1

Čhave mire, šunen le dadeskro sikaviben; te dena pozoris, achaľuvena, so hin goďaver.

Prislovja 7:24

Čhavo miro, akana man šun a de pozoris pro lava mire mujeskre:

Prislovja 8:17

Me kamav olen, ko man kamen, a ola, ko man čačes roden, man arakhen.

Prislovja 8:32

Avke akana, čhavale, šunen man! Bachtale hine ola, ko phiren pal mire droma.

Kazaťeľis 11:9

Radisaľuv, terne manušeja, andre tiro terňipen, tiro jilo mi radisaľol tire terňipnaskre dživesenge! Phir pal o droma, kaj tut ľidžal tiro jilo the pal oda, so dikhen tire jakha, ale džan, hoj o Del tut vaš oda savoro anela pro sudos.

Izajaš 28:9

On phenen: „Kas kamel te sikavel? Soske amenca kavke vakerel? So sam cikne čhavore, so mekča akana preačhile te pijel o thudoro?

O Evaňjelium le Janoskro 13:33

Čhave mire, imar na avava but tumenca. Rodena man a avke, sar phenďom le Židenge, the tumenge akana phenav: Ode, kaj me džav, tumen našťi aven.

2. Timoteoske 3:15

Bo imar ciknovarestar prindžares le Devleskre lava, so tut den goďi pre oda, hoj te aves zachraňimen le pačabnaha andro Ježiš Kristus.