Žalmi 33:2 - Le Devleskero Lav Andre Romaňi Čhib Slovensko 2021

² Lašaren le RAJES pre citara, bašaven leske pre dešehurengri harfa!

Žalmi 33:2 ပူးပေါင်းရင်းမြစ်များ

2. Samueloskro 6:5

O David the savore Izraeliti khelenas a bašavenas caľa zoraha anglo RAJ pro citari, harfi, bubni, čerkutki the pro cimbalmi.

1. Kronicko 15:16

Paľis o David prikazinďa le Levitengre vodcenge, hoj te kiden avri dženen peskre famelijendar, hoj te giľaven a radišagoha te bašaven pro harfi, citari the cimbalmi.

1. Kronicko 15:28

Savore Izraeliti džanas le RAJESKRA zmluvakra archaha upre andro Jeruzalem bara vikaha the bašavibnaha pro cimbalmi, pro harfi, pro citari, pro rohi the pro trubi.

1. Kronicko 25:3

Le Jedutunoskre čhavendar: O Gedaljah, o Ceri, o Ješajah, o Šimej, o Chašabiah the o Matitijah. Upral lende sas lengro dad o Jedutun, savo prorokinelas akor, sar la harfaha bašavenas, paľikerenas a lašarenas le RAJES.

1. Kronicko 25:6

Savore kale muršen ľidžanas lengre dada o Asaf, o Jedutun the o Heman ko bašaviben pro citari, pro cimbalmi the pro harfi, sar giľavenas paš e služba andro Chramos le RAJESKRO pro prikazis le kraľiskro.

Žalmi 144:9

Devla, giľavava tuke e nevi giľi, bašavava pre harfa le deše strunenca a lašarava tut,

Žalmi 149:3

Le kheľibnaha mi lašaren leskro nav, mi giľaven leske paš e bubna the citara.

Žalmi 71:22

A me tuke paľikerava le bašavibnaha pre harfa vaš tiri vernosť, Devla miro. Giľavava tuke o chvali pre citara, Sveto Devla le Izraeloskro!

Žalmi 92:3

Mištes hin tosara te vakerel pal tiro verno kamiben a rači pal tiri vernosť.

Žalmi 92:4

Mištes hin tuke te giľavel a te bašavel pre dešehurengri citara the pre harfa.

2. Mojžišoskro 15:20

E prorokiňa Mirijam, le Aronoskri pheň, iľa andro vast e čerkutka a pal late džanas savore džuvľija. Bašavenas pro čerkutki the khelenas.

Zjaveňje 14:2

Šunďom o hangos andral o ňebos sar o hangos but paňengro, sar o hangos le zorale perumoskro. Oda hangos, so šunďom, sas ajso, sar kana o lavutara bašaven pre peskre harfi.

Zjaveňje 5:8

Sar iľa oda zvitkos, o štar džide bitosťi the o bišuštar (24) phureder pele anglal o Bakroro. Sakones lendar sas jekh harfa the somnakuňi kuči pherdžarďi le kaďidloha, so hin o modľitbi le Devleskre manušengre.