Žalmi 3:7 - Le Devleskero Lav Andre Romaňi Čhib Slovensko 2021

⁷ Na darav man le but ezera manušendar, so pes rozthode pašal ma.

Žalmi 3:7 ပူးပေါင်းရင်းမြစ်များ

2. Samueloskro 18:8

O mariben pes rozgeľa pal caľi phuv. Andre oda džives o veš murdarďa buter dženen sar e šabľa.

O Job 16:10

O manuša pre ma bares phundrade peskre muja, asabnaha man marenas pal o čhama sar varekas, ko lenge džungľol, a zgele pes jekhetane pre mande.

O Job 29:17

O špicovata danda le nalačheske phagavas avri, andral o danda leske cirdavas avri e korisť.

Žalmi 10:12

RAJEJA, Devla, ušťi upre a hazde tiro vast! Ma pobister pro slaba!

Žalmi 12:5

savoren, ko vakeren: „Andre čhib amen hin e zor! Vakeraha, so kamas a savo raj amenge šaj rozkazinel?“

Žalmi 27:3

Te pes pre ma zgeľahas caľi armada, miro jilo pes na darala; te pre ma avlehas pro mariben, the avke furt pačava.

Žalmi 35:23

Ušťi, zaačh man, Devla miro! Ruš vaš ma, ó Adonaj!

Žalmi 44:23

Vaš tuke amen murdaren calo džives; keren amenca sar le bakrorenca, saven ľidžan te murdarel.

Žalmi 58:6

hoj te na šunel o hangos le zaklinačiskro, le vražňikoskro, so džanel te čarinel.

Žalmi 59:5

Nane man ňisavi vina, ale on hine pripravimen te chučel pre ma. Ušťi, RAJEJA, av te dikhel a pomožin mange!

Žalmi 6:4

Mira duša hin baro pharipen! Mek keci, RAJEJA?

Žalmi 7:6

akor muk les, hoj pre ma te avel a te zalel man, te zamarel le pindrenca miro dživipen andre phuv, a te mukel man te pašľol bi e pačiv andro prachos.

Žalmi 74:11

Soske amendar zľikeres tiro vast, tiro čačo vast? Hazde tiro vast a zňičin len!

Žalmi 76:9

Andral o ňebos diňal te džanel tiro sudos, e phuv daranďiľa a ačhiľa čhit,

Izajaš 51:9

Ušťi upre, ušťi upre, vasteja le RAJESKRO! Uri tut andre zor! Ušťi upre avke sar varekana, sar andre okla phurikane pokoleňja! Či oda na sal tu, ko čhingerďa le Rahab pro kotora a predemaďa la moroskra obluda?

Roviben le Jeremijašiskro 3:30

Mi ľikerel e čham oleske, ko les marel, a mi prilel savoro dopheňiben.

Habakuk 2:19

Vigos oleske, ko phenel le kašteske: ‚Obdživ!‘ a le ňeme bareske: ‚Ušťi upre!‘ Či tut šaj on vareso sikaven? Se dikh, hine obthode le somnakaha the le rupoha, no nane andre lende ňisavo dichos.