Žalmi 27:8 - Le Devleskero Lav Andre Romaňi Čhib Slovensko 2021

⁸ Miro jilo mange leperel tire lava: „Roden miro muj!“ He, RAJEJA, rodava tiro muj!

Žalmi 27:8 ပူးပေါင်းရင်းမြစ်များ

2. Samueloskro 21:1

Sar o David kraľinelas, sas bokh, so ľikerelas trin berš pal peste. Akor o David rodelas ko RAJ, soske ada hin, a ov leske odphenďa: „O Saul the leskri famelija hine vinnovata vaš o rat le Gibeončanengro.“

2. Kronicko 7:14

a te akor mire manuša pes pokorinena, mangena pale ke ma a odvisarena pes le binendar, me len šunava avri andral o ňebos. Odmukava lenge o bini a lengri phuv pale sasťarava avri.

Žalmi 105:4

Roden le RAJES the leskri zor; ma preačhen te rodel leskro muj!

Žalmi 119:58

Mangav tut andral calo miro jilo, hoj ke ma te aves jileskro, avke sar man diňal lav!

Žalmi 24:6

Kajse hine o manuša, save les roden, save roden tiro muj, Devla le Jakoboskro.

Izajaš 26:16

RAJEJA, andral peskro pharipen vičinenas ke tu, sar len marehas, ča šepkinenas e modľitba.

Izajaš 45:19

Me na vakeravas andral o garuďipen, varekhatar andral o kaľipen. Me na phenďom le Jakoboskre potomkenge: ‚Roden man varekhaj pro zamukle thana.‘ Me som o RAJ, me vakerav o čačipen a phenav oda, so hin spravno.

Hozeaš 5:15

Akor džava a visarava man pale pre miro than, medik peske na udžanena e vina a na rodena miro muj. Sar lenge ela igen phares, akor man rodena igen zorales.“

O Evaňjelium le Janoskro 11:29

Sar oda e Maria šunďa, ušťiľa sig a geľa pal leste.