Žalmi 25:7 - Le Devleskero Lav Andre Romaňi Čhib Slovensko 2021

⁷ Ma leper tuke pre mire terňipnaskre bini the nalačhipena! Leper tuke pre ma andre tiro verno kamiben, bo tu sal lačho, RAJEJA!

Žalmi 25:7 ပူးပေါင်းရင်းမြစ်များ

O Job 13:26

Bo zapisines tuke andre o nalačhe veci pre mande a des mange te skidel upre mire terňipnaskre bini.

O Job 20:11

Leskri terňipnaskri zor, so pherdžarelas leskre kokala, leha pašľola andro prachos.

Žalmi 106:3

Bachtale hine ola, ko keren spravodľišagoha, ola, ko dživen furt čačipnaha.

Žalmi 106:4

RAJEJA, leper tuke pre ma, sar presikaveha o kamiben tire manušenge; av ke ma, sar len zachraňineha,

Žalmi 109:14

O RAJ peske mi leperel furt pre vina leskre dadengri; o binos leskra dakro te na el avrikhoslo.

Žalmi 109:16

Bo na kamľa te presikavel o kamiben, džalas pro žobrakos the pro čoro a murdarďa oles, kas sas dukh andro jilo.

Žalmi 109:26

Pomožin mange, RAJEJA, Devla miro! Zachraňin man vaš oda, bo tiro kamiben hino pačivalo!

Žalmi 119:124

Presikav tire služobňikoske tiro verno kamiben a sikav man tire prikazi.

Žalmi 31:16

Calo miro dživipen hin andre tire vasta; le man avri mire ňeprijaťeľendar the olendar, ko pre ma aven.

Žalmi 51:1

Oleske, ko ľidžal o bašaviben. Le Davidoskro žalmos,

Žalmi 6:4

Mira duša hin baro pharipen! Mek keci, RAJEJA?

Žalmi 79:8

Ma rachin amenge e vina amare dadengri, ale mi avel sig tiro jileskeriben paš amende, bo sam calkom dži tele.

Izajaš 38:17

Dikh, miri bari žaľa mange sas pro lačho. Tire kamibnaha mange zachraňinďal o dživipen le meribnastar; bo savore mire bini čhiďal pal tiro dumo.

Izajaš 43:25

Me, Me Som oda, ko tuke odmukel o bini; kerav oda prekal mande a imar šoha mange na leperava pre tire bini.

Izajaš 48:11

Ča prekal ma, ča prekal ma oda kerav. Bo sar šaj domukav te meľarel andre miro nav? Miri slava na dava ňikaske avreske.“

Izajaš 64:9

Tire sveta fori ačhile pušťake, le Sionostar ačhiľa pušťa a o Jeruzalem hino rozburimen.

Jeremijaš 3:25

Aven pašľuvas tele andre ladž a mi učharel amen amari ladž andre. Bo kerďam o bini anglal o RAJ, amaro Del, amen a the amare dada, amare terňipnastar dži adadžives, a na šunahas le RAJES, amare Devles.“

Jeremijaš 31:34

Imar na mušinena te sikavel jekh avres a o phral le phraleske na phenela: ‚Prindžaren le RAJES!‘, bo savore man prindžarena, le nekciknederestar dži o nekbareder,“ phenel o RAJ. „Bo me lenge odmukava lengre nalačhipena a pre lengre bini mange imar na leperava.“

O Evaňjelium le Janoskro 5:14

Paľis les o Ježiš arakhľa andro chramos a phenďa leske: „Dikh, sasťiľal avri, imar buter ma ker o bini, hoj pes tuke te na ačhel vareso goreder!“

O Evaňjelium le Janoskro 5:5

A sas ode varesavo manuš, savo sas nasvalo tranda the ochto (38) berš.

Židenge 8:12

bo odmukava lenge o nalačhipen a lengre bini mange imar na leperava.“