Žalmi 25:5 - Le Devleskero Lav Andre Romaňi Čhib Slovensko 2021

⁵ Ľidža man tire čačipnaha a sikav man, bo tu sal o Del miro Spasiťeľis; pre tu užarav džives so džives.

Žalmi 25:5 ပူးပေါင်းရင်းမြစ်များ

1. Mojžišoskro 49:18

Ó, RAJEJA miro, užarav pre tiri zachrana!

Nehemiaš 9:20

Andre peskro jileskeriben len sikavehas, so kampel te kerel. Čaľarehas len la mannaha a diňal len te pijel o paňi, sar sas smedna.

O Job 36:22

Dikh, o Del hino igen baro andre peskri zor. Ko hin ajso učiťeľis sar ov?

Žalmi 107:7

Ľidžalas len rovne dromeha, hoj te doaven andro foros, kaj šaj bešle.

Žalmi 119:26

Phenavas tuke avri mire droma a tu mange odphenďal. Sikav man tire prikazi.

Žalmi 119:33

Sikav mange, RAJEJA, o drom tire prikazengro a me len doľikerava dži o koňec.

Žalmi 119:66

Sikav man mištes te rozsudzinel a te achaľol, bo me pačav andre tire prikazaňja.

Žalmi 119:97

Ó, sar igen kamav tiro zakonos! Calo džives pal leste gondoľinav.

Žalmi 22:2

Devla miro, Devla miro! Soske man omukľal? Soske sal avke dur a na zachraňines man? Soske sal avke dur mire rovibnastar?

Žalmi 24:5

Oda chudela o požehnaňje le RAJESTAR the o spravodľišagos le Devlestar, leskre Spasiťeľistar.

Žalmi 25:10

O RAJ furt pačivalones kamel a doľikerel peskro lav olenge, ko doľikeren leskri zmluva the leskre prikazaňja.

Žalmi 25:8

O RAJ hino spravodľivo the lačho, vašoda sikavel le binošnenge peskro drom.

Žalmi 68:20

Mi el barardo o RAJ, savo sako džives ľidžal amare pharipena O Del hin amaro spaseňje,

Žalmi 79:9

Pomožin amenge, Devla, Spasiťeľina amaro, ker oda pre slava tire naveske! Zachraňin amen a odmuk amenge amare bini angle tiro nav!

Žalmi 86:3

Av ke ma jileskro, RAJEJA, se calo džives vičinav ke tute!

Žalmi 88:1

E giľi. Le Korachengro žalmos. Oleske, ko ľidžal o bašaviben pro giľavipen. Pal o machalat leannot. O maskil le Hemanoskro le Ezrachitaskro.

Prislovja 23:17

Te na zavidzinel tiro jilo le binošnenge, ale feder kereha, te phireha andre sveto dar anglo RAJ sako džives,

Prislovja 8:34

Bachtalo manuš, ko man šunel, oda, ko hino paš miro vudar sako džives a užarel pre ma paš mire brani.

Izajaš 30:18

A o RAJ mek užarel, hoj te avel ke tumende milosťivo, a vašoda ušťel upre, hoj tumenge te presikavel o lačhipen. Se o RAJ hino spravodľivo Del. Bachtale hine savore, so pre leste užaren.

Izajaš 35:8

Ela ode drom, o drom, savo vičinena o Sveto drom, pal savo o nažužo našťi predžala; ela ča prekal o manuša le Devleskre, pre oda drom aňi o dilino na našľola.

Izajaš 42:16

Ľidžava le koren pal o drom, savo na prindžaren, ľidžava len pal o chodňiki, so na džanen. Čerinava lengro kaľipen pro švetlos a rovňinava avri o bange droma. Kala hin ola veci, save kerava, a na omukava len.

Izajaš 49:10

Na ena bokhale aňi smedna; na zňičinela len o tačipen aňi o kham. Bo o RAJ ela ke lende lačhejileskro a ľidžala len; ľidžala len pašal o prameňa le paňengre.

Izajaš 54:13

Savore tire čhave ena učeňika le RAJESKRE a dživena andro baro smirom.

Jeremijaš 31:9

Avena rovibnaha, modľinena pes a me len anava pale. Ľidžava len paš o paňi, pal o rovno drom, kaj lenge na poddžana o pindre, bo me som le Izraeloskro dad a o Efrajim hino miro ešebno čhavoro.“

Micheaš 7:7

Ale me furt užarav pro RAJ, užarav pro Del mira spasakro; miro Del man šunela avri.

Лукастар 18:7

Či o Del na zaačhela vaš ola, kas peske avri kidňa, save ke leste rat-džives vičinen? Či len mukela but te užarel?

O Evaňjelium le Janoskro 14:26

Ale o Ťešiťeľis, o Sveto Duchos, saves bičhavela o Dad andre miro nav, ov tumen sikavela savoro a leperela tumenge sa, so tumenge phenďom.

O Evaňjelium le Janoskro 16:13

Ale sar avela Ov, o Duchos le čačipnaskro, ľidžala tumen andre dojekh čačipen. Na vakerela korkoro pestar, ale vakerela savoro, so šunel. A phenela tumenge the oda, so avela.

O Evaňjelium le Janoskro 6:45

Andro Proroka hin pisimen: ‚Savore ena sikade le Devlestar.‘ Avke sako, ko šunďa le Dades a sikľiľa lestar, avel ke mande.

Rimanenge 8:14

Bo savore, ko hine ľigende le Devleskre Duchoha, hine o čhave le Devleskre.

1. Jan 2:27

No pre tumende ačhel o pomazaňje, savo priiľan lestar, a vašoda tumenge na kampel, hoj tumen vareko te sikavel. Bo leskro pomazaňje tumen sikavel pal savoreste a oda hin čačipen a na klamišagos – ačhen andre leste, avke sar tumen sikavelas.

Zjaveňje 7:17

Bo o Bakroro, savo hino maškar o tronos, ela lengro pasťjeris; ľidžala len paš o prameňis, khatar džal o džido paňi a o Del lenge khosela savore apsa pal o jakha.“