Žalmi 22:5 - Le Devleskero Lav Andre Romaňi Čhib Slovensko 2021

⁵ Amare dada tuke pačanas; pačanas a tu len lehas avri.

Žalmi 22:5 ပူးပေါင်းရင်းမြစ်များ

1. Kronicko 5:20

On zviťazinde upral lende vašoda, bo vičinenas ko Del andro mariben. Ov len šunďa avri a pomožinďa lenge, bo pačanas andre leste. Vašoda diňa andre lengre vasta le Hagarijčanen the olen, save lenge pomožinenas.

Žalmi 106:44

Ale ov the avke dikhľa pre lengro pharipen, sar šunďa lengro roviben.

Žalmi 31:1

Oleske, ko ľidžal o bašaviben. Le Davidoskro žalmos.

Žalmi 71:1

RAJEJA, ke tu man garuďom, ma domuk šoha, hoj man te ladžav!

Izajaš 45:17

O RAJ spasinela le Izrael a oda spaseňje ela pro furt; imar šoha tumen na ladžana a na avena teledikhle.

Izajaš 49:23

O kraľa tut bararena avri sar dada a lengre kraľovni tut dena te pijel thud. Banďona anglal tu dži tele pre phuv a ľizinena o prachos pal tire pindre. Akor achaľoha, hoj me som o RAJ a hoj pes na ladžana ola, ko pes pre mande muken.“

Jeremijaš 50:7

Sako, ko len arakhelas, len chalas tele a lengre ňeprijaťeľa vakerenas: ‚Na ela amen ňisavi vina, bo on kerenas o bini anglal o RAJ, savo pes pal lende verňe starinelas a pre savo pes lengre dada savoreha mukenas!‘ “

Daniel 3:28

Akor phenďa o Nebukadnecar: „Bararav le Devles, saves o Šadrach, o Mešach the o Abed-Nego lašaren! Ov bičhaďa peskre aňjelos a zachraňinďa peskre služobňiken, save andre leste pačanas a na šunde le kraľiskro rozkazis a dine peskre ťela pro meriben, bo kamenas te lašarel ča peskre Devles a na kamenas te služinel ňisave avre devleske.

Rimanenge 10:11

Bo hin pisimen: „Sako, ko andre leste pačala, na ladžala pes.“

Rimanenge 9:33

avke sar hin pisimen: „Dikh, thovav pro Sion e skala, kaj pes o manuša demena, the o bar, pre savo perena, ale oda, ko andre leste pačala, pes šoha na ladžala.“

1. Peter 2:6

Vašoda hin pisimen andro Lav le Devleskro: „Thovav pro Sion o hlavno bar, o avrikidlo the igen vzacno bar; oda, ko andre leste pačala, na ladžala pes.“

Sudcengro 4:3

O Izraeliti igen mangenas le RAJES, hoj lenge te pomožinel, bo le Jabin sas eňa šel (900) trastune verdana a biš (20) berš len igen trapinelas.

Sudcengro 6:6

Sar o Izraeliti ačhile čore bi o chaben anglo Midijana, chudle te vičinel pro RAJ, hoj lenge te pomožinel.