Žalmi 20:7 - Le Devleskero Lav Andre Romaňi Čhib Slovensko 2021

⁷ Akana džanav, hoj o RAJ zachraňinel peskre pomazimen kraľis. Šunel les avri andral peskro sveto than andro ňebos, peskre zorale čače vasteha leske del te zviťazinel.

Žalmi 20:7 ပူးပေါင်းရင်းမြစ်များ

2. Samueloskro 10:18

Ale o Aramejčana denašle le Izraelitendar. A o David the leskre murša murdarde 700 muršen pro verdana the 40 000 muršen pro graja. The le Šobach, le veľiťeľis upral e armada, dukhade a ov muľa pre oda than.

2. Samueloskro 8:4

O David zaiľa lestar 1 700 muršen pro graja the 20 000 slugaďen. Mukľa peske lendar ča 100 grajen le verdanenca a olen, so ačhile, ochrominďa.

2. Kronicko 13:16

Avke o Izraeliti denašle anglo Judejci a o Del len diňa andre lengre vasta.

2. Kronicko 14:11

Avke o RAJ pomožinďa le Asaske the leskra armadake te zviťazinel upral o Kušijci. On chudle odarik te denašel

2. Kronicko 32:8

Les hin bari armada, ale oda hine ča manuša, ale amenca hino o RAJ, amaro Del, pripravimen amenge te pomožinel a te ľidžal amare maribena.“ A o manuša pes zmukle pre oda, so phenďa o judsko kraľis Chizkija.

O Job 39:11

Či šaj tut pre leste mukes, bo hino zoralo? Mukeha pre leste tiri phari buči?

Žalmi 28:8

O RAJ hin e zor peskre manušengri; o than pre ochrana peskre pomazimen kraľiske.

Žalmi 45:17

Tire čhave zalena o than tumare dadenge, ačhaveha len rajenge upral caľi phuv.

Prislovja 21:31

O graj hino pripravimen pro džives le maribnaskro, ale o viťazstvo del o RAJ.

Izajaš 30:16

Tumen phenen: ‚Na! Pro graja denašaha!‘ Vašoda mušinena te denašel! Phenen: ‚Pro richla graja denašaha!‘ Vašoda richla ena ola, ko pre tumende džana!

Izajaš 31:1

Vigos olenge, ko džan te mangel e pomoca tele andro Egipt, ko pes muken pro graja, ko pes naďejinen pre peskre but verdana, the pre bari zor peskre jazdcengri, ale pro Sveto le Izraeloskro pes na muken a le RAJES na roden.

Jeremijaš 17:5

Kada phenel o RAJ: „Prekošlo hin oda murš, ko pes mukel pro manuš a thovel peskro pačaben pre le manušeskri zor, ale andre peskro jilo pes visarel het le RAJESTAR.

1. Samueloskro 13:5

O Filišťinci pes jekhetane zgele pro mariben pro Izraeliti. Sas len 30 000 verdana, 6 000 murša pro graja the ajci slugaďa sar e poši paš o moroskro brehos. On avle andro Michmas pro vichodos le Bet-Avenostar a kerde peske ode taboris.

1. Samueloskro 2:10

Ola, ko džan pro RAJ, ena zňičimen, herminela pre lende andral o ňebos. O RAJ sudzinela caľi phuv. Peskre kraľis dela zor; hazdela upre peskre pomazimen muršes.“