Žalmi 2:4 - Le Devleskero Lav Andre Romaňi Čhib Slovensko 2021

⁴ Oda, ko bešel pro tronos andro ňebos, asal peske; o RAJ peske lendar asal.

Žalmi 2:4 ပူးပေါင်းရင်းမြစ်များ

2. Kraľengro 19:21

Kada hin o lav, so leske phenel o RAJ: ‚E pačivaľi čhaj le Sionoskri tutar asal a tele tut dikhel. E čhaj le Jeruzalemoskri pal tu kivinel le šereha, sar adarik denašes.

Žalmi 11:4

O RAJ hino andre peskro sveto Chramos; le RAJESKRO tronos hino pro ňebos. Leskre jakha dikhen a roden avri, so keren savore manuša.

Žalmi 115:3

Amaro Del hino pro ňebos; ov kerel savoro, so leske hin pre dzeka.

Žalmi 123:1

E giľi pro drom upre andro Jeruzalem. RAJEJA, mire jakhenca dikhav upre pre tute, so troňines pro ňebos.

Žalmi 37:13

Ale o Raj lestar asal, bo dikhel, hoj avel pre leste leskro džives.

Žalmi 53:5

Či na achaľon ňič ola, ko keren o nalačhipen? Chan tele mire manušen, sar te chalehas o maro, a ko Del pes šoha na mangen.

Žalmi 59:8

Dikh, so lenge chučel avri andral o muj, o lava andral lengre vušta hine sar ostra šabľi; gondoľinen peske: „Ko amen šaj šunel?“

Žalmi 59:9

Ale tu, RAJEJA, lendar asas, asas savore avre narodendar.

Žalmi 68:33

Tumen, o kraľišagi la phuvakre, giľaven le Devleske! Lašaren la chvalaha le Rajes,

Prislovja 1:26

asava tumendar, sar pre tumende avela o pharipen a sar pre tumende demela e pohroma;

Izajaš 40:22

O Del bešel pro tronos, upral e klenba la phuvakri, a o manuša pre phuv leske dičhon sar cikne kobilki. Ov nacirdel o ňebos sar o zavesis a rozkerel les sar o stanos, andre savo pes bešel.

Izajaš 57:15

Bo kada phenel o Del, savo hino baro a barardo, savo dživel furt a saveskro nav hin sveto: „Me bešav pro učo the sveto than, ale som the oleha, ko kerel pokaňje andral o jilo a hino pokorno andro duchos, hoj te obdžiďarav olen, ko hine pokorna andro duchos, the olen, ko keren pokaňje andral o jile.

Izajaš 66:1

Kada phenel o RAJ: „O ňebos hin miro tronos a e phuv hiňi tel mire pindre. Savo kher mange kamen te ačhavel? Savo than man kamen te del pro odpočinkos?