Žalmi 19:5 - Le Devleskero Lav Andre Romaňi Čhib Slovensko 2021

⁵ Ale lengro hangos pes rozľigenďa pal caľi phuv a lengre lava dži pro agor le svetoske. O Del andro ňebos kerďa than le khameske.

Žalmi 19:5 ပူးပေါင်းရင်းမြစ်များ

O Job 38:13

Phenďal leske, hoj te zalel caľi phuv le švetloha, hoj o bitanga lestar te denašen het?

Kazaťeľis 1:5

O kham avel avri, o kham zaperel andre a pale siďarel pre peskro than, khatar pale avel avri.

Izajaš 61:10

Igen radisaľuvav andro RAJ, miri duša radisaľol andre miro Del, bo urďa man andro ruchos la spasakro a thoďa pre ma o spravodľišagoskro plašťos; som sar o terno, savo peske ozdobinel o šero avke sar rašaj a sar e terňi, savi pes richtinel le šperkenca.

Izajaš 62:5

Sar o terno čhavo peske lel romňake pačivaľa čha, avke peske tut lena ola, ko tut ačhavena, a sar o terno radisaľol la terňatar, avke radisaľola tiro Del tutar.

O Evaňjelium le Janoskro 3:29

E terňi patrinel le terneske a o prijaťeľis le terneskro, savo ode ačhel a šunel, igen radisaľol, sar šunel le terneskro hangos. Kada miro radišagos hin akana pherdo.