Žalmi 18:22 - Le Devleskero Lav Andre Romaňi Čhib Slovensko 2021

²² Bo ľikeravas man pal o droma le RAJESKRE a na odvisarďom man mire Devlestar.

Žalmi 18:22 ပူးပေါင်းရင်းမြစ်များ

O Job 23:11

Mire pindre phirenas mištes pal leskre stopaja, ľikeravas man pre leskro drom a na odgeľom.

Žalmi 119:112

Zaiľom mange andro jilo, hoj doľikerava tire prikazaňja pro furt dži o koňec.

Žalmi 119:117

Podhazde man a avava zachraňimen a me furt pozorinava tire prikazi.

Žalmi 119:128

a savore tire prikazi ľikerav sar lačhe, vašoda našťi avri ačhav dojekh nalačho chodňikos.

Žalmi 119:13

Mire vuštenca vakerav avri savore prikazi, so tu phenďal.

Žalmi 119:30

Kidňom mange avri o pačivalo drom, iľom mange andro jilo tire sudi.

O Evaňjelium le Janoskro 5:14

Paľis les o Ježiš arakhľa andro chramos a phenďa leske: „Dikh, sasťiľal avri, imar buter ma ker o bini, hoj pes tuke te na ačhel vareso goreder!“

5. Mojžišoskro 26:13

Paľis pheneha anglo RAJ, angle tiro Del: ‚Anďom avri andral miro kher oda odďelimen chaben a diňom le Levitenge, le cudzincenge, le širotenge the le vdovenge, avke sar mange prikazinďal. Doľikerďom savoro, so prikazinďal a pre ňisoste na bisterďom.

5. Mojžišoskro 26:14

Na chaľom olestar, sar somas andro smutkos, aňi na iľom ňič olestar avri andral miro kher, sar somas nažužo, a na diňom oda sar obeta le mulenge. Šunďom tut, RAJEJA, a kerďom savoro avke, sar prikazinďal pal e ďesaťina.