Žalmi 16:7 - Le Devleskero Lav Andre Romaňi Čhib Slovensko 2021

⁷ Lašarava le RAJES, savo man ľidžal, mek the rači mange oda o jilo leperel.

Žalmi 16:7 ပူးပေါင်းရင်းမြစ်များ

Žalmi 119:148

Caľi rat mande o jakha phundrade a gondoľinav pal tiro lav.

Žalmi 119:55

Rači mange leperav pre tiro nav, RAJEJA, a doľikerav tiro zakonos.

Žalmi 119:7

Paľikerava tuke le žuže jilestar, sar sikľuvava tire čačipnaskre zakoni.

Žalmi 17:3

Tu džanes miro jilo. Avľal ke ma rači, predikhľal man calones a na arakhľal andre ma ňisavo nalačho gondoľišagos; aňi mire vušta na kerde binos.

Žalmi 22:2

Devla miro, Devla miro! Soske man omukľal? Soske sal avke dur a na zachraňines man? Soske sal avke dur mire rovibnastar?

Žalmi 42:8

Jekh baro paňi vičinel pre aver paš oda, sar šunďol tire vodopadi; savore tire vlni predžan prekal ma a demen andre ma.

Žalmi 63:6

Miri duša čaľola avke, sar te chaľomas o nekfeder chaben, miro muj tuke giľavela, radišagoha tut le vuštenca lašarava.

Žalmi 73:21

Sar pes miri duša oleha trapinelas a dukhalas man oda andro jilo,

Žalmi 73:24

Tu man ľidžas tire radenca a paľis man prileha andre tiri slava.

Žalmi 77:2

Zorales vičinav ko Del, vičinav ko Del a ov man šunel avri.

Žalmi 77:6

Gondoľinav pal o dživesa, so sas varekana, pal o čirlatune berša.

Prislovja 8:14

Me dav e rada the e lačhi goďi, me som o achaľuvipen a mande hin e zor.

Izajaš 26:9

Miri duša pes pal tute cirdel prekal e rat a tosara tut miro duchos rodel. Sar tu sudzines o svetos, o manuša pre phuv sikľon, so hin spravodľivo.

Izajaš 48:17

Kada phenel o RAJ, tiro Vikupiťeľis, o Sveto le Izraeloskro: „Me som o RAJ, tiro Del; sikavav tut oda, so tuke hin pro lačho; ľidžav tut pal oda drom, pal savo tuke kampel te džal.

Izajaš 50:4

O RAJ, o Adonaj, man diňa e čhib le učeňikengri, hoj te džanav te vakerel a te del zor le lavenca le strapimen manušes. Uštavel man upre sako tosara, uštavel mange o kan, hoj te šunav sar o učeňika.

Jeremijaš 12:2

Tu len sadzinďal a on mukle o koreňa; baron peske a anen ovocje. Tu sal furt pre lengre vušta, ale dur lengre jilendar.

Jeremijaš 17:10

Me, o RAJ, skuminav o jile a skušinav o gondoľišagos, hoj te počinav sakoneske pal oda, sar dživelas, pal oda, savo ovocje anenas leskre skutki.

Лукастар 6:12

Andre jekh ole dživesendar pes geľa o Ježiš pro verchos te modľinel a sas ode caľi rat andre modľitba.

Zjaveňje 2:23

Lakre čhaven marava the le meribnaha a dodžanena pes savore khangera, hoj me som oda, ko skuminel o jile the o goďa, a sakoneske tumendar počinava pal oda, so kerel.