Žalmi 16:10 - Le Devleskero Lav Andre Romaňi Čhib Slovensko 2021

¹⁰ bo na mukeha miri duša pre oda than, kaj hine o mule, aňi na deha tire pačivaloneske, hoj leskro ťelos te kirňol.

Žalmi 16:10 ပူးပေါင်းရင်းမြစ်များ

O Job 11:8

Se hino učeder sar o ňebos. Akor so šaj keres? Hino teleder sar o Šeol. Akor so šaj džanes?

Žalmi 139:8

Te geľomas upre pro ňebos, ode sal, te mange pašľiľomas andro hrobos, the ode sal.

Žalmi 49:15

Hine sar o bakre, so hine avrikidle pre oda, hoj te džan pro than le mulengro; o meriben ela lengro pasťjeris. Tosara o čače manuša vladňinena upral lende a lengro ťelos kirňola andro than le mulengro dur lengre barikane kherendar.

Žalmi 9:17

O RAJ pes diňa te prindžarel peskre čačipnaskre sudoha; o nalačhe manuša pes zachudle andre buči peskre vastengri.

Prislovja 15:11

O RAJ dikhel andro than le mulengro the le meribnaskro, a keci buter andro jilo le manušengro?

Prislovja 27:20

Avke sar o peklos the o meriben šoha na čaľona, avke na čaľona aňi o jakha le manušeskre.

Izajaš 14:9

O Šeol tel e phuv hino pripravimen pes tuha te arakhel, kraľina andral o Babilon! Uštavel savore mulen, so vladňinenas pre phuv, del te ušťel savore mulenge, so bešenas pro troni a kraľinenas upral o narodi.

Izajaš 5:14

Vašoda o Šeol phundravela peskro kirlo a otkerela calo peskro muj; džana andre o raja the okla manuša, so keren vika a oslavinen.

Daniel 9:24

Eftavardeš kurke hin dine tire manušenge the tire svete foroske, hoj pes te preačhel la vzburaha the le binenca, hoj pes te počinel vaš e vina, te anel pes o večno spravodľišagos, te zapečaťinel pes o prorocko viďeňje a te pomazinel pes o Neksveteder than.

3. Mojžišoskro 19:28

Ma čhingeren tumen pro ťelos, sar roven vaš o mulo manuš, aňi ma tetinen tumenge pro ťelos o znaki. Me som o RAJ.

Amos 9:2

Kajte pes prekopaľindehas dži andro Šeol, the odarik len lela avri miro vast. Kajte gelehas dži upre andro ňebos, the odarik len cirdava tele.

4. Mojžišoskro 6:6

Calo časos, medik hino Nazarejcos, našťi pes chudel le mule ťelostar.

Лукастар 1:35

O aňjelos lake phenďa: „O Sveto Duchos avela pre tu a e zor le Nekbaredereskri tut učharela andre. Vašoda oda čhavoro, so tutar uľola, ela sveto a vičinela pes Čhavo le Devleskro.

Лукастар 16:23

Paľis andro peklos andro dukha hazdňa o jakha a dikhľa dural le Abraham the le Lazar paš leste.

Лукастар 4:34

„Jaj, so amen hin tuha, Ježiš Nazaretsko! Avľal amen te murdarel? Me džanav, ko tu sal, oda Sveto le Devleskro!“

1. Korinťanenge 15:42

Avke oda ela, sar pes ušťela andral o meriben. Thovel pes andre phuv ajso ťelos, so kirňol, ale ušťel ajso, so na kirňol.

5. Mojžišoskro 32:22

Miri choľi rozlabola sar jag a džala tele dži pro than le mulengro; chala e phuv the lakro uľipen, zlabarela the o zakladi le verchengre.

Zjaveňje 1:18

Me som the o Džido – somas mulo, ale dikh, som džido pro furt. Amen. Mande hin o kleji le peklostar the le meribnastar.

Zjaveňje 20:13

O moros diňa avri peskre mulen, save sas andre leste, a o meriben the o peklos dine le mulen, save sas andre lende. A sako sas sudzimen pal peskre skutki.