Žalmi 149:1 - Le Devleskero Lav Andre Romaňi Čhib Slovensko 2021

¹ Haleluja! Giľaven le RAJESKE nevi giľi, lašaren les maškar leskre verna manuša, sar hine zgele.

Žalmi 149:1 ပူးပေါင်းရင်းမြစ်များ

Žalmi 111:1

Haleluja! Paľikerav le RAJESKE andral calo jilo maškar o spravodľiva manuša, sar hine jekhetane zgele.

Žalmi 116:18

Dava le RAJESKE oda, so phenďom, anglal savore leskre manuša,

Žalmi 144:9

Devla, giľavava tuke e nevi giľi, bašavava pre harfa le deše strunenca a lašarava tut,

Žalmi 148:1

Haleluja! Lašaren le RAJES andral o ňebos, lašaren les upre andro chmari!

Žalmi 22:22

Cirde man avri le ľevoskre piskostar; le dzive bikengre rohendar. Šun man avri!

Žalmi 22:25

Bo ov na dikhľa tele le čores a dikhľa leskro trapišagos. Na garuďa angle leste peskro muj; šunďa les avri, sar peske mangelas e pomoca.

Žalmi 33:3

Giľaven leske e nevi giľi, bašaven leske šukares a radišagoha vičinen!

Žalmi 35:18

Akor, sar pes zdžana but tire manuša, paľikerava tuke maškar lende; lašarava tut anglo but nipi.

Žalmi 68:26

Anglal džanas o spevaka, palal o lavutara, maškaral o čhaja le čerkutkenca.

Žalmi 89:5

‚Tiro potomkos ela kraľis pro furt; ačhavava tiro tronos pre savore pokoleňja.‘ “

Žalmi 96:1

Giľaven le RAJESKE nevi giľi! Giľav le RAJESKE, caľi phuv!

Žalmi 98:1

Žalmos. Giľaven le RAJESKE nevi giľi, bo kerďa o zazraki. Leskro čačo vast the leskro sveto valos leske ande o viťazstvo.

Izajaš 42:10

Giľaven le RAJESKE e nevi giľi, leskri chvala dži pal o agora le svetoskre, tumen, so phiren pal o moros, the savore, so pheraren o moros. Giľaven tumen, o ostrovi the savore, ko ode bešen.

Židenge 2:12

sar phenel le Devleske: „Vakerava pal tiro nav maškar o phrala a lašarava tut andre khangeri.“

Zjaveňje 5:9

Giľavenas nevi giľi a phenenas: „Hodno sal te lel o zvitkos a te phundravel leskre pečaťe, bo salas murdardo a cinďal avri tire rateha le manušen le Devleske, andral savore kmeňi, čhiba, nipi the narodi.