Žalmi 146:4 - Le Devleskero Lav Andre Romaňi Čhib Slovensko 2021

⁴ Sar lendar džala avri o duchos, džana pale andre phuv a oda džives našľola savoro, so kamenas te kerel.

Žalmi 146:4 ပူးပေါင်းရင်းမြစ်များ

1. Mojžišoskro 2:7

Akor o RAJ, o Del, kerďa le manušes le prachostar pal e phuv a phurdľa leske andro nakh o dichos le dživipnaskro a o manuš chudňa te dživel.

1. Mojžišoskro 3:19

Phares kereha buči a spocisaľoha, te kameha te chal, medik na džaha pale andre phuv, bo la phuvatar salas kerdo a andre phuv pale džaha.“

1. Mojžišoskro 6:17

Me anava baro paňi pre phuv, hoj te zňičinav savoro, andre kaste hin o dichos le dživipnaskro – savoro, so hin tel o ňebos, the savoro, so hin pre phuv.

O Job 14:10

Ale sar merel o manuš, ačhel te pašľol; phurdel avri peskro dichos, a kaj hino?

O Job 14:21

Te ela leskre čhaven pačiv, na dodžanela pes oda; te ena teledikhle, na džanela ňič.

O Job 17:1

„Miro duchos hino igen zňičimen, mire dživesa murdaľile andre, užarel man o hrobos.

O Job 17:11

Mire dživesa pregele, mire plani rozpele, a mek the oda, so kamavas andro jilo.

O Job 27:3

medik ča dživava a ela andre ma o dichos le Devleskro,

Žalmi 104:29

Sar garuves o muj, daran pes; Sar lenge les o dichos, meren a ačhen pale prachoske.

Žalmi 33:10

O RAJ musarel o plani le narodengre; ov previsarel le manušengre gondoľišagi.

Žalmi 90:3

Le manušestar keres pale prachos; phenes: „Ačhen pale prachoske, manušale!“

Kazaťeľis 12:7

a o prachos džala pale andre phuv, avke sar sas, a o duchos džala pale ko Del, savo les diňa.

Kazaťeľis 9:6

Savoro, so kerde, medik dživenas – lengro kamiben, ňenavisť the žjarlivosť – mule jekhetane lenca. Nane len imar ňisavo kotor pre ňisoste, so pes kerel pre phuv.

Izajaš 2:22

Ma muken tumen pro manuš, kaskro dživipnaskro dichos hin ča andro nakh! Se ov tumenge našťi pomožinel!

Roviben le Jeremijašiskro 4:20

Le RAJESKRO pomazimen, o dichos amare dživipnaskro, sas chudlo andre lengre pasci. Pal leste peske vakerahas: „Andre leskro ciňos dživaha maškar o narodi.“

Daniel 5:23

Kerehas tutar bareder sar o RAJ andro ňebos, diňal tuke te anel o nadobi andral leskro Chramos a pijehas andral lende e mol tire anglune muršenca, tire romňijenca the le romňijenca-služkenca. Lašarehas le rupune, somnakune, brondzune, trastune, kaštune the barune devlen, save na dikhen, na šunen, aňi na džanen ňič. Ale le Devles, savo ľikerel tiro dživipen the savore tire droma andre peskre vasta, na diňal pačiv.

1. Korinťanenge 2:6

Ale amen vakeras o goďaveripen maškar ola, ko imar podbarile andro pačaben, ale na o goďaveripen kale svetoskro, abo le bare rajengro andral kada svetos, save našľon.