Žalmi 145:9 - Le Devleskero Lav Andre Romaňi Čhib Slovensko 2021

⁹ O RAJ hino lačho ke sakoneste, leske hin pharo vaš savorende, kas stvorinďa.

Žalmi 145:9 ပူးပေါင်းရင်းမြစ်များ

1. Mojžišoskro 9:10

Phandav la the savore dzive džvirenca, the le maľakre džvirenca, the le ňeboskre čiriklenca, so hine tumenca, the savorenca, so avle avri andral o korabos.

Žalmi 100:5

Bo o RAJ hino lačho; leskro verno kamiben ľikerel pro furt a leskri vernosť predžal pal jekh pokoleňje pre aver.

Žalmi 104:27

Kala savore užaren pre tu, hoj len te des te chal, akor sar lenge kampel.

Žalmi 25:8

O RAJ hino spravodľivo the lačho, vašoda sikavel le binošnenge peskro drom.

Žalmi 86:5

Bo tu, RAJEJA, odmukes a sal lačho, hin tut pherdo kamiben ke ola, ko pre tute vičinen.

Jonaš 4:11

A mange te na avel pharo vaš oda baro foros Ninive, andre savo hin buter sar 120 000 manuša, save na džanen te rozprindžarel, so hin lačho a so nalačho, a the vaš ola but džviri?“

Nahum 1:7

O RAJ hino lačho, chraňinel peskre manušen andre oda džives, sar lenge hin phares. Pridžanel pes ke ola, ko pes ke leste denašen te garuvel.

Matuš 5:45

hoj te aven o čhave tumare Dadeskre, savo hino andro ňebos. Bo ov kerel, hoj o kham te avel avri pro nalačhe the pro lačhe a del o brišind pro čačipnaskre the pro načačipnaskre.

Skutki 14:17

no the avke na preačhelas lenge te del o sveďectvos pal peste. Kerelas o lačhipen, delas o brišind andral o ňebos a pro maľi o uľipen, pherdžarelas amen le chabeneha the le radišagoha andro jile!“

Skutki 17:25

Aňi pes leske na služinel le manušeskre vastenca, sar te leske vareso kampľahas, bo ov korkoro del savoreske o dživipen, o dichos the savoro.