Žalmi 145:19 - Le Devleskero Lav Andre Romaňi Čhib Slovensko 2021

¹⁹ Olen, ko pes lestar daran, del oda, so peske žadinen, šunel, sar ke leste vičinen vaš e pomoca, a zachraňinel len.

Žalmi 145:19 ပူးပေါင်းရင်းမြစ်များ

1. Kronicko 4:10

Andre jekh džives o Jabec vičinelas pro Del le Izraeloskro: „Mangav tut, igen man požehňin a de man bareder phuv. Ľidža man tire vasteha a chraňin man savore nalačhipnastar, hoj man te na avel dukh.“ A o Del les diňa savoro, so lestar mangľa.

Žalmi 20:4

Mi leperel peske pre savore tire obetna dari a mi prilel tire labarde obeti!

Žalmi 34:17

Ale le RAJESKRO muj džal pre ola, ko keren o nalačhipen, hoj te khosel tele lengro nav pal e phuv.

Žalmi 34:18

O spravodľiva peske mangen e pomoca a o RAJ len šunel; cirdel len avri andral dojekh pharipen.

Žalmi 34:9

Koštoľinen a dikhen, savo lačho hin o RAJ! Bachtalo hin o manuš, savo pes denašel andre leste te garuvel.

Žalmi 37:19

Na ladžana pes andro nalačho časos a andro bokhale dživesa len ela čaľipen.

Žalmi 37:4

Radisaľuv andro RAJ a dela tut, pal soste tiro jilo tužinel.

Žalmi 91:15

Sar ke ma vičinela, odphenava leske. Avava leha andro pharipen, zachraňinava les a dava les pačiv.

Prislovja 15:29

O RAJ hino dur le nalačhendar a na šunel len, ale o mangipen le lačhengro šunel avri.

Matuš 5:6

Bachtale hine ola, ko hine bokhale the smedna pal o spravodľišagos, bo on ena čaľarde.

Лукастар 1:53

le bokhalen pherdžarďa le lačhe vecenca a le barvalen bičhaďa het a na diňa len ňič.

O Evaňjelium le Janoskro 15:16

Na tumen tumenge kidňan avri man, ale me mange kidňom avri tumen a ačhaďom tumen, hoj te džan a te anen ovocje, savo ačhela. Hoj o Dad tumen te del savoro, so mangena andre miro nav.

O Evaňjelium le Janoskro 15:7

Te ačhena andre mande a mire lava ačhena andre tumende, akor mangen savoro, so kamen, a ačhela pes tumenge.

O Evaňjelium le Janoskro 16:24

Dži akana mek andre miro nav na mangenas ňič. Avke mangen a chudena, hoj tumare radišagoske ňič te na chibaľinel.

1. Jan 5:15

A te džanas, hoj amen šunel avri andre savoreste, so mangas, akor džanas, hoj imar chudňam oda, so lestar mangľam.