Žalmi 145:18 - Le Devleskero Lav Andre Romaňi Čhib Slovensko 2021

¹⁸ O RAJ hino pašes savorenge, ko ke leste vičinen, savorenge, ko ke leste vičinen čačipnaha.

Žalmi 145:18 ပူးပေါင်းရင်းမြစ်များ

Žalmi 119:151

ale tu, RAJEJA, sal paš ma a savore tire prikazaňja hine čačipnaskre.

Žalmi 119:2

Bachtale hine ola, ko doľikeren leskre prikazaňja a roden les cale jileha;

Žalmi 17:1

O mangipen le Davidoskro Šun avri, RAJEJA, miro čačipnaskro mangipen, dikh pre oda, sar pre tute vičinav! Visar tiro kan pre miri modľitba, savi avel andral o vušta, so na klaminen.

Žalmi 34:18

O spravodľiva peske mangen e pomoca a o RAJ len šunel; cirdel len avri andral dojekh pharipen.

Žalmi 46:1

Oleske, ko ľidžal o bašaviben. E giľi prekal o učo hangos.

Žalmi 46:5

O paňi anel peskre jarkenca o radišagos le Devleskre foroske, le svete thaneske, kaj bešel o Nekbareder.

Prislovja 15:8

Le RAJESKE džungľon o obeti le nalačhe manušendar, ale pre dzeka leske hin e modľitba le čače manušengri.

Izajaš 58:9

Akor vičineha a o RAJ tuke odphenela; mangeha tuke pomoca a ov tuke phenela: ‚Kade som!‘ Paľis sar preačheha te trapinel le manušen, te sikavel pre lende le anguštenca, te vakerel o nalačhe lava,

Roviben le Jeremijašiskro 3:57

Tu avľal paš ma, sar vičinavas, a phenďal: „Ma dara tut!“

Hozeaš 7:14

Na modľinen pes ke ma andral calo jilo, ča roven pre peskre hadži. Vaš o zrnos the vaš e mol pes čhingeren pro ťelos, ale mandar pes visaren.

Matuš 23:13

„Ale vigos tumenge, zakoňikale the Farizejale, tumen dujemujengre! Bo phanden andre le nipenge o ňeboskro kraľišagos – tumen korkore andre na džan a olenge, ko kamlehas te džal andre, na domuken.

O Evaňjelium le Janoskro 14:23

O Ježiš leske odphenďa: „Oda, ko man kamel, doľikerela miro lav a miro Dad les kamela. A avaha ke leste a dživaha leha.

O Evaňjelium le Janoskro 4:24

O Del hino Duchos a ola, ko les lašaren, mušinen les te lašarel andro Duchos the andro čačipen.“

5. Mojžišoskro 4:7

Hin varekhaj ajso baro narodos, kaske lengre devla ulehas avke pašes, sar amenge hin o RAJ, amaro Del, kana ča ke leste vičinas?

Jakob 4:8

Aven pašeder paš o Del a ov avela pašeder paš tumende. Thoven avri o vasta, tumen binošna manušale! A tumen, so san rozpolťena, žužaren tumenge o jile!