Žalmi 144:12 - Le Devleskero Lav Andre Romaňi Čhib Slovensko 2021

¹² Avke amare terne čhave ena sar o rastlini, so baron zorales, amare čhaja ena sar o avrikerde slupi andro palacis.

Žalmi 144:12 ပူးပေါင်းရင်းမြစ်များ

O Job 42:15

A ňikhaj pal caľi phuv na sas kajse šukar džuvľija, sar sas le Joboskre čhaja. A lengro dad len diňa o ďeďictvos jekhetane lengre phralenca.

Žalmi 128:3

Tiri romňi ela andre tiro kher sar e viňica, so anel but ovocje, tire čhave ena pašal tiro skamind sar o terne olivova stromi.

Roviben le Jeremijašiskro 4:2

O vzacna čhave le Sionoskre, so monas ajci sar o žužo somnakaj, mon akana ajci sar o kuča čikatar, sar e buči le hrnčjariskre vastengri!

Zacharijaš 9:17

Save ena bachtale the šukar! O terne murša zoraľona pro zrnos a o pačivale čhaja pre nevi mol.

5. Mojžišoskro 7:13

Kamela tumen, žehňinela tumenge a rozmnožinela tumen. Požehňinela tumen avke, hoj tumen ela but čhave, but uľipen pre maľa, zrnos, mol, olivovo olejos, but dobitkos the bakre andre odi phuv, pal savi la veraha diňa lav, hoj la dela tumare dadenge.