Žalmi 143:8 - Le Devleskero Lav Andre Romaňi Čhib Slovensko 2021

⁸ De, hoj tosara te šunav tiro verno kamiben, bo pre tute man mukav. Sikav mange o drom, khatar te džal, bo pačav andre tu.

Žalmi 143:8 ပူးပေါင်းရင်းမြစ်များ

Žalmi 119:34

De mange te achaľol tiro zakonos, hoj les te doľikerav andral calo miro jilo.

Žalmi 119:73

Tire vastenca man stvorinďal a forminďal, pomožin mange te achaľol a te sikľol tire prikazaňja.

Žalmi 143:10

Sikav man te kerel tiri voľa, se tu sal miro Del. Tiro lačho Duchos man mi ľidžal pal e rovno phuv.

Žalmi 25:20

Ochraňin miro dživipen a zachraňin man! Vašoda, hoj man denašav ke tute te garuvel, ma domuk, hoj man te ladžav.

Žalmi 27:11

RAJEJA, sikav mange tiro drom! Ľidža man pal o rovno chodňikos vaš ola, ko pre ma džan.

Žalmi 30:5

Giľaven o žalmi le RAJESKE, tumen, leskre pačivale manušale, a paľikeren leskre svete naveske.

Žalmi 32:8

Ľidžava tut a sikavava tuke o drom, khatar te džal, dava tut goďi a dodikhava pre tu mire jakhenca.

Žalmi 42:8

Jekh baro paňi vičinel pre aver paš oda, sar šunďol tire vodopadi; savore tire vlni predžan prekal ma a demen andre ma.

Žalmi 46:5

O paňi anel peskre jarkenca o radišagos le Devleskre foroske, le svete thaneske, kaj bešel o Nekbareder.

Žalmi 5:8

Ale me prekal tiro baro kamiben džava andre tiro kher; andre sveto dar angle tute banďuvava visardo pre tiro sveto Chramos.

Žalmi 59:16

Phiren upre tele pal o chaben, a havkinen, te na čaľon.

Žalmi 86:4

Ker o radišagos andro dživipen tire služobňikoske, bo pre tute man mukav, RAJEJA.

Žalmi 90:14

Pherar amen tosara tire verne kamibnaha, hoj te radisaľuvas a te thovas baripen sako džives.

Izajaš 30:21

Sar na džaneha kaj te džal či pre čači abo pre baľogňi sera, akor pre tire kana šuneha palunestar o lav: „Kada hin o drom, džan pal leste!“

Izajaš 48:17

Kada phenel o RAJ, tiro Vikupiťeľis, o Sveto le Izraeloskro: „Me som o RAJ, tiro Del; sikavav tut oda, so tuke hin pro lačho; ľidžav tut pal oda drom, pal savo tuke kampel te džal.

Roviben le Jeremijašiskro 3:41

Aven hazdas upre o jile the amare vasta ko Del andro ňebos a phenas:

Hozeaš 6:3

Aven, sprindžaras le RAJES! Keras sa, hoj les te sprindžaras. Avke sar hin isto, hoj o kham avela avri, avke hin isto the oda, hoj ov avela; avela sar o brišind, so avel jesone the jarone, sar o brišind, so poľivinel e phuv.

Sudcengro 13:12

O Manoach phučľa: „Sar pes ačhela oda, so phenďal, sar kampel le čhavores te bararel avri a so mušinel te kerel?“

1. Samueloskro 23:12

O David pale phučľa: „Dinehas man the mire muršen o manuša andral e Keila andro vasta le Sauloske?“ „He, kerdehas oda,“ odphenďa o RAJ.