Žalmi 139:15 - Le Devleskero Lav Andre Romaňi Čhib Slovensko 2021

¹⁵ Mire kokala na sas garude anglal tu, sar somas kerdo andro garuďipen, sar somas sthodo andro hlbini la phuvakre.

Žalmi 139:15 ပူးပေါင်းရင်းမြစ်များ

Žalmi 139:13

Se tu mange stvorinďal o jilo the e goďi, andro per mira dakro man sthoďal.

Žalmi 63:9

Miri duša pal tu igen džal, tiro čačo vast man podhazdel.

2. Mojžišoskro 11:5

A merela dojekh čhavoro andro Egipt, savo ešebno uľiľa. Oda le Faraonoskre čhastar, savo majinel te bešel pro tronos, dži ko čhavo la otrokiňakro, savi erňinel e pšeňica, a the savoro ešebno le dobitkostar.

Kazaťeľis 11:5

Avke sar na džanes o drom la balvajakro, a na džanes, sar barol o čhavoro andro per la dake, avke na džanes aňi o buča le Devleskre, savo stvorinďa savoro.

Jeremijaš 1:5

„Sigeder sar tut stvorinďom andre la dakro per, prindžarďom tut a sigeder sar uľiľal, pošvecinďom tut. Ačhaďom tut prorokoske prekal o narodi.“

Efežanenge 4:9

Akana, so hin oda, hoj „geľa upre“? Oda hin, hoj ešeb geľa tele andro nekteluneder thana la phuvakre.