Žalmi 135:8 - Le Devleskero Lav Andre Romaňi Čhib Slovensko 2021

⁸ Ov murdarďa andro Egipt savoren, so uľile ešebna, le manušendar dži o dobitkos.

Žalmi 135:8 ပူးပေါင်းရင်းမြစ်များ

Žalmi 105:36

A akor andro Egipt murdarďa savoro, so uľiľa ešebno, le ešebne čhaven, save sikavenas pre lengri zor.

Žalmi 136:10

Ov murdarďa andro Egipt le ešebne muršoren, bo leskro verno kamiben ľikerel pro furt.

Žalmi 78:51

Andro Egipt murdarďa avri savoro ešebno, le ešebne muršen andro stani le Chamoskre.

2. Mojžišoskro 12:12

Odi rat predžava prekal o Egipt a murdarava ode savore ešebnen a oda le manušendar dži o dobitkos. A anava o sudos pre savore devla andro Egipt. Me som o RAJ.

2. Mojžišoskro 13:15

Sar o Faraonos sas zoralejileskro a na kamelas amen te premukel, o RAJ murdarďa savoro muršikano ešebno andro Egipt, oda le manušendar the le dobitkostar. Vašoda akana obetinas le RAJESKE savore ešebne samcen le dobitkostar, ale peskre ešebne čhaven cinas avri.‘

Skutki 7:7

Ale oda narodos, kaske on služinena, me sudzinava, phenďa o Del. Paľis odarik avena avri a služinena mange pre kada than.