Žalmi 135:21 - Le Devleskero Lav Andre Romaňi Čhib Slovensko 2021

²¹ Mi džal e chvala le RAJESKE andral o Sion, oleske, ko bešel andro Jeruzalem! Haleluja!

Žalmi 135:21 ပူးပေါင်းရင်းမြစ်များ

1. Kronicko 23:25

Akor o David phenďa: „O RAJ, o Del le Izraeloskro, diňa peskre manušenge o smirom a ačhiľa te bešel andro Jeruzalem pro furt.

2. Kronicko 6:6

Ale akana kidňom mange avri o foros Jeruzalem, hoj te avav ode lašardo. A kidňom mange avri le David, hoj te ľidžal mire izraelike manušen.

Ezdraš 7:16

a savoro rup the somnakaj, so skideha andre caľi provincija Babilon, a the o dari, so dena o manuša the o rašaja prekal o Chramos lengre Devleskro andro Jeruzalem.

Žalmi 128:5

Mi požehňinel tut o RAJ andral o Sion, hoj te dikhes o požehnaňje le Jeruzalemoskro calo tiro dživipen,

Žalmi 134:3

Mi požehňinel tut o RAJ andral o Sion, oda, ko kerďa o ňebos the e phuv!

Žalmi 48:1

E giľi. Le Korachengro žalmos.

Žalmi 48:2

Baro hino o RAJ a hodno bara chvalake andro foros amare Devleskro pre leskro sveto verchos.

Žalmi 48:3

Učo hino a šukar o verchos Sion, anel o radišagos caľa phuvake, hino sar o uče verchi le Cafonoskre, o foros le bare Kraľiskro.

Žalmi 48:9

Šunďam oda, so o Del kerelas, ale akana oda the dikhľam andro foros le Nekbareder RAJESKRO, andro foros amare Devleskro: O Del les chraňinela pro furt.

Žalmi 76:2

Le Devles prindžaren andre Judsko, baro hin leskro nav andro Izrael.

Izajaš 12:6

Vičin radišagostar a giľav zorales, tu, so bešes andro Sion! Bo o Sveto Del le Izraeloskro hino baro maškar tute!“

4. Mojžišoskro 23:21

Na dičhol andro Jakob ňisavo trapišagos, aňi na dikhav o pharipen andro Izrael. O RAJ, leskro Del, hino leha. Ov vičinel radišagoha peskre kraľiske.