Žalmi 134:2 - Le Devleskero Lav Andre Romaňi Čhib Slovensko 2021

² Hazden upre o vasta ko Chramos a lašaren le RAJES.

Žalmi 134:2 ပူးပေါင်းရင်းမြစ်များ

Nehemiaš 8:6

O Ezdraš lašarelas le RAJES, le bare Devles, a savore manuša hazdle upre o vasta a phende: „Amen! Amen!“ A banďonas anglo RAJ le mujeha dži pre phuv.

Žalmi 141:2

Prile miri modľitba sar o kaďidlos a mire vasta, so hazdav, sar e račakri obeta.

Žalmi 26:6

Thovav avri mire vasta, bo nane man vina, a phirav pašal tiro oltaris, RAJEJA,

Žalmi 28:2

Šun miro pokorno mangipen, sar ke tu vičinav, hoj mange te pomožines, a hazdav mire vasta ke tiro Neksveteder than.

Žalmi 63:2

Devla, tu sal miro Del! Rodav tut, soča avel avri o kham, miri duša hiňi smedno pal tute. Calo miro ťelos pes cirdel pal tute, sar e šuki phuv bi o paňi.

Žalmi 63:4

Bo tiro verno kamiben hin feder sar o dživipen, mire vušta tut bararena.

Žalmi 63:5

Lašarava tut, medik ča dživava, andre tiro nav hazdava o vasta.

Roviben le Jeremijašiskro 2:19

Ušťi upre prekal e rat a rov pale a pale anglo RAJ! Čhiv avri tiro jilo sar paňi anglo muj le RAJESKRO. Hazde ke leste tire vasta vaš o dživipen tire čhavengro, so meren bokhatar pro agor dojekha uľicakro.

Roviben le Jeremijašiskro 3:41

Aven hazdas upre o jile the amare vasta ko Del andro ňebos a phenas:

1. Timoteoske 2:8

Vašoda kamav, hoj pes o murša te modľinen pre dojekh than a te hazden o sveta vasta bi e choľi the vesekedišagos.