Žalmi 132:9 - Le Devleskero Lav Andre Romaňi Čhib Slovensko 2021

⁹ Tire rašaja pre peste mi uren o spravodľišagos a tire pačivale manuša mi giľaven radišagostar!

Žalmi 132:9 ပူးပေါင်းရင်းမြစ်များ

2. Kronicko 6:41

Akana, ušťi, RAJEJA, Devla, a av te odpočovinel andre kada Chramos, tu the e archa tira zorakri. Ó, RAJEJA, Devla, tire rašaja pre peste mi uren o spaseňje, tire pačivale manuša mi radisaľon tire lačhipnastar.

O Job 29:14

O spravodľišagos pre mande uravas sar o gada; o čačipnaskro dživipen sas pre ma sar o plašťos le turbanoha pro šero.

Žalmi 104:1

Lašar le RAJES, dušo miri! RAJEJA, Devla miro, igen sal baro! Urďal tut andro šukariben the andre slava.

Žalmi 132:16

Leskre rašajen urava andro spaseňje a leskre pačivale manuša giľavena bare radišagostar.

Žalmi 149:5

O pačivale manuša mi khelen, bo zviťazinde, a mi giľaven radišagostar pre peskre hadži.

Žalmi 47:1

Oleske, ko ľidžal o bašaviben. Le Korachengro žalmos.

Žalmi 68:3

Sar e balvaj rozphurdel o thuv, avke len tu roztradeha; sar e momeľi rozdžal paš e jag, avke našľona o nalačhe manuša pašal o Del.

Žalmi 70:4

Mi visaren pes pale ladžaha ola, ko mange phenen: „Avke tuke kampel!“

Žalmi 93:1

O RAJ kraľinel, urďa pre peste o šukariben; o RAJ pes urďa a phandľa pašal peste e zor. He, o svetos zathoďa zorales, na čhalavela pes.

Izajaš 61:10

Igen radisaľuvav andro RAJ, miri duša radisaľol andre miro Del, bo urďa man andro ruchos la spasakro a thoďa pre ma o spravodľišagoskro plašťos; som sar o terno, savo peske ozdobinel o šero avke sar rašaj a sar e terňi, savi pes richtinel le šperkenca.

Izajaš 65:14

Dikh, mire služobňika giľavena radišagostar andro jile, ale tumen rovena bara žaľatar andro jile, bo tumaro duchos hikinela bare pharipnastar.

Sofonijaš 3:14

Giľav radišagoha, čhaje le Sionoskri, vičin zorales, Izraelona! Thov baripen a radisaľuv cale jileha, čhaje le Jeruzalemoskri!

Zacharijaš 9:9

Igen radisaľuv, čhaje le Sionoskri! Vičin radišagostar, čhaje le Jeruzalemoskri! Dikh, tiro kraľis avel ke tu, hino spravodľivo a anel o viťazstvo, hino pokorno a avel pro somaris; pro somaricis, pro terno le oslicakro.

Rimanenge 13:14

Ale uren tumen andro Raj Ježiš Kristus a ma gondoľinen pre oda, sar te kerel o nalačhe žadosci, save kamel te kerel amaro ťelos.

1. Peter 5:5

Avke the tumen o terneder: Podden tumen le phurederenge a savore tumen podden jekh avrenge. A uren tumen andre pokora, bo o Del pro barikane džal, ale le pokornen del peskri milosť.

Zjaveňje 19:8

a diňa pes lake, hoj pes te urel andro žuže, igen šukar, bľišťaca gada.“ (Ola gada hine o čačipnaskre skutki le Devleskre manušengre.)

Sudcengro 5:31

Kavke mi meren savore tire ňeprijaťeľa, ó, RAJEJA! Ale ola, save les kamen, ena sar o kham, so avel avri andre peskri zor.“ Paľis sas andre odi phuv smirom saranda (40) berš.