Žalmi 132:12 - Le Devleskero Lav Andre Romaňi Čhib Slovensko 2021

¹² Te tire čhave doľikerena miri zmluva the o prikazaňja, save len sikavava, ta bešena the lengre čhave pre tiro tronos pro furt.“

Žalmi 132:12 ပူးပေါင်းရင်းမြစ်များ

1. Kraľengro 2:4

Avke o RAJ doľikerela oda lav, so man diňa: ‚Te tire čhave dživena avke, sar me kamav, a te phirena angle mande pačivalones, cale jileha the caľa dušaha, ela furt vareko tira famelijatar pro tronos andro Izrael.‘

1. Kraľengro 8:25

Ale akana, RAJEJA, Devla le Izraeloskro, doľiker oda lav, so diňal tire služobňikos le David, mire dades, akor sar leske phenďal: ‚Furt ela vareko leskre potomkendar pro izraeliko tronos, ale ča akor, te man mištes šunena tire čhave avke sar tu.‘

2. Kronicko 7:18

me doľikerava o lav, so phenďom tire dadeske le Davidoske: ‚Furt ela vareko andral tiro potomstvos pro izraeliko tronos.‘

Žalmi 102:28

Ale tu sal furt jekh a tire berša šoha na preačhena.

Žalmi 115:14

Mi del tumenge o RAJ, hoj te rozbaron, tumen the tumare čhave!

Izajaš 59:21

„A kada hin miri zmluva lenca,“ phenel o RAJ. „Miro duchos, savo hino upral tu, the mire lava, save tuke thoďom andro muj, šoha na našľona andral tiro muj, aňi andral o muja tire čhavengre, aňi andral o muja lengre potomkengre – akanastar dži pro furt,“ phenel o RAJ.

Izajaš 9:7

O Raj phenďa o sudos pro Jakob a avela oda pro Izrael.

Jeremijaš 33:17

Se kada phenel o RAJ: ‚Andre ola dživesa bešela pro tronos le Izraeloskro furt le Davidoskro potomkos

Skutki 2:30

Ov sas prorokos a džanelas, hoj o Del les diňa veraha lav, hoj pre leskro tronos bešela jekh leskre potomkendar.