Žalmi 12:6 - Le Devleskero Lav Andre Romaňi Čhib Slovensko 2021

⁶ Ale o RAJ phenel: „Akana vaš oda, hoj o slaba cerpinen a o čore roven dukhatar, uščava a zachraňinava olen, ko peske oda igen mangen.“

Žalmi 12:6 ပူးပေါင်းရင်းမြစ်များ

2. Samueloskro 22:31

Le Devleskro drom hino dokonalo, le RAJESKRO vakeriben hino bi e mel, ov hin o šťitos olenge, ko ke leste denašen.

O Job 20:19

Bo trapinelas le čoren a na pomožinďa lenge; zaiľa o kher, savo ov na ačhaďa.

O Job 28:1

„Hin baňi, kaj pes rodel o rup, a hin thana, kaj pes prežužarel o somnakaj.

Žalmi 119:140

Tire lava hine mištes prežužarde, vašoda len tiro služobňikos kamel.

Žalmi 18:30

Tuha šaj džav the pre armada, mire Devleha prechučava the o muros.

Žalmi 19:8

Le RAJESKRO zakonos hino dokonalo, del amen nevi zor. Pre le RAJESKRE lava pes šaj te mukel; olestar, ko na achaľol, keren goďaver.

Žalmi 66:10

Tu amen čačes skušinehas, Devla, prelabarďal amen andre jag, sar pes prelabarel o rup.

Žalmi 76:10

sar tu, Devla, ušťiľal upre, hoj te sudzines; te zachraňines savore strapimen manušen pre phuv.

Žalmi 9:13

Bo ov na bisterel te del pale olenge, ko murdaren; leperel peske pro roviben olengro, ko cerpinen.

2. Mojžišoskro 3:7

O RAJ leske phenďa: „Mištes dikhľom o trapišagos mire manušengro andro Egipt. Šunďom len, sar vičinen, hoj lenge te pomožinav, bo o dozorci len trapinen sar otroken a džanav pal lengre dukha.

2. Mojžišoskro 3:8

Vašoda me avľom tele, hoj len te zachraňinav andral o vasta le Egipťanengre. Avľom len te lel avri andral odi phuv a te ľidžal len andre odi phuv, so hiňi igen bari the lačhi, a kaj čuľal o thud the o medos – e phuv, kaj bešen o Kanaančana, o Chetitana, o Amorejčana, o Perizeja, o Chivija the o Jebuseja.

2. Mojžišoskro 6:1

O RAJ phenďa le Mojžišoske: „Akana dikheha, so kerava le Faraonoske. Me pre leste ispidava, hoj te premukel mire manušen a avke zorales ispidava, hoj tradela len avri.“

Prislovja 22:23

Bo o RAJ vaš leste zaačhela a lela o dživipen oleske, ko les občorarďa.

Prislovja 30:5

Dojekh lav le Devleskro hino čačo, hino šťitos savorenge, ko ke leste denašen.

Izajaš 14:22

„Uščava pre lende,“ phenel o Nekzoraleder RAJ. „Zňičinava o babiloňiko nav the leskre manušen, save predžiďile, lengre čhaven the potomken,“ phenel o RAJ.

Izajaš 33:10

„Akana uščava upre,“ phenel o RAJ. „Akana avava barardo; akana avava uprehazdlo.