Žalmi 119:98 - Le Devleskero Lav Andre Romaňi Čhib Slovensko 2021

⁹⁸ Tire prikazaňja hine furt manca, a vašoda mandar keren goďavereder, sar hine mire ňeprijaťeľa.

Žalmi 119:98 ပူးပေါင်းရင်းမြစ်များ

Žalmi 119:11

Andro jilo mange garuďom tiro lav, hoj te na kerav binos angle tute.

Žalmi 119:30

Kidňom mange avri o pačivalo drom, iľom mange andro jilo tire sudi.

Prislovja 2:6

Bo o RAJ del e goďi a andral leskro muj avel o goďaveripen the o prindžaripen.

Prislovja 28:5

O nalačhe manuša na achaľon, so hin te kerel o čačipen, ale ola, ko roden le RAJES, oleske mištes achaľon.

5. Mojžišoskro 4:6

Mištes len doľikeren, bo oda avre narodenge sikavela tumaro goďaveripen the achaľuvipen. Bo sar on šunena pal savore prikazi the zakoni, phenena: ‚Kada baro narodos hino čačes igen goďaver.‘

5. Mojžišoskro 4:8

Hin varesave bare narodos ajse spravodľiva prikazi the predpisi, sar hin andre kada calo zakonos, so tumenge adadžives me dav?

Kološanenge 3:16

O lav le Kristoskro mi el barvales andre tumende. Andre savoro goďaveripen sikaven jekh avres a dovakeren tumenge. A paľikeribnaha andro jile giľaven le Devleske o žalmi, o chvali the o duchovna giľa.

Jakob 1:25

Ale ajso manuš, ko pes mištes zadikhel andro dokonalo zakonos, so del e sloboda, a ľikerel pes pal oda lav a na bisterel pre oda, so šunďa, ale dživel pal oda, ajso manuš ela požehňimen andre oda, so kerel.

1. Samueloskro 18:14

Le Davidoske avelas avri savoro, so kerelas, bo o RAJ sas leha.

1. Samueloskro 18:30

O filišťiňika veľiťeľa dureder avenas pro maribena pro Izrael, ale sar pre lende avenas, o David furt zviťazinelas buter sar okla služobňika le Sauloskre. Aleha peske kerďa o David baro nav.

1. Samueloskro 18:5

Le Davidoske avelas savoro avri všadzik, kaj les o Saul bičhavelas pro mariben. Vašoda les o Saul ačhaďa upral peskre slugaďa. Sas oda pre dzeka savore manušenge the le Sauloskre služobňikenge.