Žalmi 119:97 - Le Devleskero Lav Andre Romaňi Čhib Slovensko 2021

⁹⁷ Ó, sar igen kamav tiro zakonos! Calo džives pal leste gondoľinav.

Žalmi 119:97 ပူးပေါင်းရင်းမြစ်များ

Žalmi 1:2

ale leskro radišagos hin andro zakonos le RAJESKRO a pal leskro zakonos gondoľinel rat-džives.

Žalmi 119:113

Me našťi avri ačhav olen, ko tuke den ča jepaš jilo, ale kamav tiro zakonos.

Žalmi 119:127

Me kamav tire prikazaňja buter sar o somnakaj, buter sar o žužo somnakaj,

Žalmi 119:15

Pal tire prikazi gondoľinav a pozorinav tire chodňiki.

Žalmi 119:159

Dikh, sar kamav tire prikazi, RAJEJA! Obdžiďar man tire verne kamibnaha!

Žalmi 119:165

Baro smirom hin olen, ko kamen tiro zakonos, a nane ňič, pre soste šaj pelehas.

Žalmi 119:167

Miri duša pes ľikerel tire zakonendar, igen len kamav.

Žalmi 119:47

se tire prikazaňja mange anen o radišagos, bo man andre lende zakamľom.

Žalmi 119:48

Hazdav o vasta ke tire prikazaňja, andre save man zakamľom, a gondoľinav pal tire sikavibena.

Prislovja 18:1

Kaske džal ča pal peskre veci, pes odďelinel avrendar a na ačhel ňisava lačha radatar.

Prislovja 2:10

bo o goďaveripen tuke džala andro jilo a o prindžaripen tuke anela o radišagos pre duša.

5. Mojžišoskro 17:19

Mi el oda zvitkos le zakonoskro paš leste, hoj peske andral te genel, medik dživela, a hoj te sikľol te daral le RAJESTAR, peskre Devlestar, a te doľikerel savore lava the prikazi ole zakonoskre.

Jozua 1:8

Ma preačh te genel kada zvitkos le zakonoskro pre tumare zhromažďeňja! Gondoľin pal leste rat-džives, hoj te doľikeres savoro, so hin andre pisimen, bo ča akor tuke savoro avela avri a savoro kereha goďaha.