Žalmi 119:57 - Le Devleskero Lav Andre Romaňi Čhib Slovensko 2021

⁵⁷ Phenďom mange: „RAJEJA, tu sal miro ďeďictvos; phenďom, hoj doľikerava tire lava.“

Žalmi 119:57 ပူးပေါင်းရင်းမြစ်များ

Žalmi 119:106

Diňom lav, hoj doľikerava tire spravodľiva sudi, a kamav oda te doľikerel.

Žalmi 119:115

Tumen, binošna manušale, džan mandar het, hoj te šaj man ľikerav mire Devleskre prikazaňjendar.

Žalmi 119:2

Bachtale hine ola, ko doľikeren leskre prikazaňja a roden les cale jileha;

Žalmi 142:5

Dikh pre čači sera a dikheha, hoj ňiko mange na kamel te pomožinel. Nane man kaj te denašel, ňikaske na džal pal miro dživipen.

Žalmi 16:5

Tu, RAJEJA, sal miro ďeďictvos, tu mange keres miro drom, miro dživipen hin andre tire vasta.

Žalmi 66:14

so phende mire vušta a so avľa avri andral miro muj andro pharipen.

Žalmi 73:26

Miro ťelos the miro jilo šaj slabisaľol, ale e zoraľi skala mire jileskri hin o Del, ov hino miro pro furt.

Jeremijaš 10:16

Ale o Del le Jakoboskro nane ajso sar ola modli. Ov hino Stvoriťeľis savoreske a o Izrael hine leskre manuša, leskro nav hin o Nekzoraleder RAJ.“

Roviben le Jeremijašiskro 3:24

Phenav mange: „O RAJ hin savoro, so man hin; vašoda man mukava pre leste.“

5. Mojžišoskro 18:2

Na ela len ďeďictvos avke sar avre kmeňen. Lengro ďeďictvos ela korkoro o RAJ, avke sar lenge phenďa.

Jozua 24:15

Ale te tumenge nane pre dzeka te služinel le RAJESKE, kiden tumenge adadžives avri, kaske kamen te služinel, či le devlenge, savenge služinenas tumare dada pal o paňi Eufrat, abo le devlenge andral e phuv le Amorejčanengri, andre savi bešen. Ale me the miro kher služinaha le RAJESKE.“

Jozua 24:18

O RAJ tradňa avri anglal amende savore naroden the le Amorejčanen, save bešenas andre kadi phuv. The amen služinaha le RAJESKE, bo ov hino amaro Del!“

Jozua 24:21

Ale o manuša phende le Jozuaske: „Na! Amen služinaha le RAJESKE!“