Žalmi 119:49 - Le Devleskero Lav Andre Romaňi Čhib Slovensko 2021

⁴⁹ Ma bister pro lav, so diňal tire sluhas, bo diňal man naďej.

Žalmi 119:49 ပူးပေါင်းရင်းမြစ်များ

1. Mojžišoskro 32:9

Phenďa peske: „Te avela o Ezav ke jekh taboris a domarela les, dujto taboris ačhela a šaj denašel het.“

1. Mojžišoskro 8:1

O Del peske leperďa pro Noach the pre savore dziva džviri the dobitkos, so leha sas andro korabos. O Del bičhaďa pre phuv e balvaj a o paňi pre phuv chudňa te džal tele.

2. Samueloskro 5:2

Imar akor, sar o Saul sas kraľis upral amende, tu ľidžahas le Izraeloskre slugaďen andro maribena. O RAJ tuke phenďa: ‚Tu ľidžaha miro izraeliko narodos sar pasťjeris a aveha lengro vodcas.‘ “

2. Samueloskro 7:25

Ale akana, RAJEJA, Devla, mangav tut, ľiker pro furt oda lav, so phenďal mange the mira famelijake. Doľiker oda, so phenďal.

O Job 7:7

Leper tuke, Devla, hoj miro dživipen hin ča balvajori; miri jakh imar šoha na dikhela o lačhipen.

Žalmi 105:2

Giľaven leske, bašaven leske! Vakeren pal savore leskre zazraki!

Žalmi 105:42

Bo na bisterďa pro sveto lav, so diňa le Abraham, peskre služobňikos.

Žalmi 106:4

RAJEJA, leper tuke pre ma, sar presikaveha o kamiben tire manušenge; av ke ma, sar len zachraňineha,

Žalmi 106:45

Leperďa peske pre peskri zmluva lenca a andre peskro baro kamiben len na marďa avke, sar kamľa.

Žalmi 119:147

Ušťav sigeder, sar vidňisaľol, hoj tutar te mangav pomoca; mukav man pre tiro lav.

Žalmi 119:43

Ma le mange šoha o čačipen andral miro muj, bo me man mukav pre tire spravodľiva sudi,

Žalmi 119:74

Ola, ko pes tutar daran, radisaľona, sar man dikhena, bo me pačav andre tiro lav.

Žalmi 119:81

Miri duša imar na birinel, so ajci užarel pre tiro spaseňje; mukav man pre tiro lav.

Žalmi 71:14

Ale me užarav furt pre tute a furt buter tut lašarava.

Izajaš 62:6

Pre tire muri, Jeruzalemona, ačhaďom le stražňiken, save pes rat-džives na preačhena te modľinel. Tumen, so leperen le RAJESKE leskre lava, modľinen tumen a ma preačhen!

Rimanenge 15:13

A o Del, savo amen del e naďej, tumen mi pherdžarel savore radišagoha the smiromoha andro pačaben, hoj te baron prekal e zor le Svete Duchoskri andre naďej.

1. Peter 1:13

Vašoda gondoľinen pal oda, so keren. Aven strižba a muken tumen igen pre milosť le Devleskri, so tumenge ela diňi, sar pes sikavela o Ježiš Kristus.

1. Peter 1:21

Prekal leste pačan andro Del, savo les uštaďa andral o meriben a diňa les e slava, hoj tumaro pačaben the tumari naďej te avel andro Del.