Žalmi 119:38 - Le Devleskero Lav Andre Romaňi Čhib Slovensko 2021

³⁸ Doľiker tire sluhaske tiro lav, so diňal olen, ko tut den pačiv.

Žalmi 119:38 ပူးပေါင်းရင်းမြစ်များ

1. Kraľengro 8:26

Vašoda, Devla le Izraeloskro, mangav tut, mi ačhel pes avke, sar phenďal mire dadeske le Davidoske.

Žalmi 103:11

Avke sar hin o ňebos učes la phuvatar, avke bares kamel olen, ko les den pačiv.

Žalmi 103:13

Avke sar hin le dadeske pharo vaš peskre čhave, avke hin le RAJESKE pharo vaš ola, ko les den pačiv.

Žalmi 103:17

Ale le RAJESKRO verno kamiben sas furt a ela furt olenca, ko les den pačiv, a leskro spravodľišagos le čhavengre čhavenca;

Žalmi 119:154

Zaačh vaš ma pro sudos a cin man olestar avri; obdžiďar man, avke sar mange phenďal.

Žalmi 119:49

Ma bister pro lav, so diňal tire sluhas, bo diňal man naďej.

Žalmi 119:50

Andre miro pharipen man poťešines, bo tiro lav man obdžiďarel.

Žalmi 119:76

Joj, te man tiro verno kamiben diňahas pale o radišagos, avke sar diňal lav tire služobňikos.

Žalmi 145:19

Olen, ko pes lestar daran, del oda, so peske žadinen, šunel, sar ke leste vičinen vaš e pomoca, a zachraňinel len.

Žalmi 147:11

Le RAJESKE hin pre dzeka ola, ko pes lestar daran, ola, ko pes muken pre leskro verno kamiben.

2. Korinťanenge 1:20

Bo savore lava, pal save o Del phenďa, hoj amenge dela, hine andro Ježiš „He“, a vašoda andro Ježiš phenas „Amen“ – le Devleske pre slava.