Žalmi 119:165 - Le Devleskero Lav Andre Romaňi Čhib Slovensko 2021

¹⁶⁵ Baro smirom hin olen, ko kamen tiro zakonos, a nane ňič, pre soste šaj pelehas.

Žalmi 119:165 ပူးပေါင်းရင်းမြစ်များ

Žalmi 119:56

Kada sas mange dino, hoj man te ľikerav tire prikazaňjendar.

Prislovja 3:17

leskre droma tut dena o šukar dživipen a leskre chodňiki tuke anena o smirom.

Prislovja 3:23

avke phireha andro smirom a o pindro tuke na poddžala.

Izajaš 26:3

Tu deha o dokonalo smirom olen, ko pes tutar zorales chuden, bo on pes muken pre tu.

Izajaš 28:13

Vašoda šunena kada lav le RAJESTAR: „Ker kada, ker koda, pravidlos pre kada, pravidlos pre koda; mek sikra kada, mek sikra koda!“ A avke džana a perena palal, demena pes, perena andre pasca a ena phandle andre.

Izajaš 32:17

A oda spravodľišagos anela o smirom, vašoda o manuša dživena andro smirom a šoha pes imar na darana le maribnastar.

Izajaš 57:14

Phenela pes: „Keren, keren o drom, rovňinen les avri; len pal o drom het oda, pre soste peren mire manuša.“

Izajaš 57:21

„Le nalačhen na ela ňisavo smirom,“ phenel miro Del.

Matuš 13:21

Ale nane les koreňis a ľikerel avri ča pre varesavo časos. Sar avel o pharipen vaj džan pre leste vaš o lav, takoj odperel le pačabnastar.

Matuš 24:24

Bo avena but falošna mesijaša the but falošna proroka a kerena bare znameňja the zazraki, hoj te cirden pro falošno drom – te pes oda diňahas – the le avrikidle manušen.

O Evaňjelium le Janoskro 14:27

O smirom tumenge mukav; miro smirom tumenge dav. Ale me les tumenge na dav avke sar kada svetos. Tumare jile pes te na trapinen aňi te na predaran!

Filipanenge 4:7

A o smirom le Devleskro, so hin upral dojekh goďi, chraňinela tumare jile the tumare gondoľišagi andro Ježiš Kristus.

1. Jan 2:10

Oda, ko kamel peskre phrales, ačhel andro švetlos a nane andre leste ňič, angle soste vareko šaj peľahas andro binos.