Žalmi 119:15 - Le Devleskero Lav Andre Romaňi Čhib Slovensko 2021

¹⁵ Pal tire prikazi gondoľinav a pozorinav tire chodňiki.

Žalmi 119:15 ပူးပေါင်းရင်းမြစ်များ

1. Mojžišoskro 24:63

Ke račate, sar pes o Izak geľa te predžal pre maľa, obdikhľa pes a dikhľa, sar aven o ťavi.

Žalmi 1:2

ale leskro radišagos hin andro zakonos le RAJESKRO a pal leskro zakonos gondoľinel rat-džives.

Žalmi 119:117

Podhazde man a avava zachraňimen a me furt pozorinava tire prikazi.

Žalmi 119:131

Phundrade mujeha užarav, bo som igen smedno pal tire prikazaňja.

Žalmi 119:148

Caľi rat mande o jakha phundrade a gondoľinav pal tiro lav.

Žalmi 119:23

Te o vladara zabešlehas, hoj pre mande te vakeren, tiro sluhas the avke gondoľinela pal tire zakoni.

Žalmi 119:48

Hazdav o vasta ke tire prikazaňja, andre save man zakamľom, a gondoľinav pal tire sikavibena.

Žalmi 119:6

Akor man na mušinava te ladžal, sar dikhava pre savore tire prikazaňja.

Žalmi 119:78

Mi ladžan pes o barikane, bo falošňe pre ma vakerenas; ale me gondoľinav pal tire prikazi.

Žalmi 119:97

Ó, sar igen kamav tiro zakonos! Calo džives pal leste gondoľinav.

Žalmi 119:99

Goďavereder som savore mire učiťeľendar, bo gondoľinav pal tire prikazi.

Jakob 1:25

Ale ajso manuš, ko pes mištes zadikhel andro dokonalo zakonos, so del e sloboda, a ľikerel pes pal oda lav a na bisterel pre oda, so šunďa, ale dživel pal oda, ajso manuš ela požehňimen andre oda, so kerel.