Žalmi 119:116 - Le Devleskero Lav Andre Romaňi Čhib Slovensko 2021

¹¹⁶ De man zor, Devla, avke sar phenďal, hoj te dživav. Ma sklamin man andre miri naďej!

Žalmi 119:116 ပူးပေါင်းရင်းမြစ်များ

Žalmi 119:17

Ker o lačhipen tire sluhaske, hoj te dživav a te doľikerav tiro lav!

Žalmi 119:6

Akor man na mušinava te ladžal, sar dikhava pre savore tire prikazaňja.

Žalmi 25:2

Pre tute man mukav, ma domuk, hoj man te ladžav, hoj te na radisaľon mire ňeprijaťeľa upral ma.

Žalmi 37:17

Bo e zor le nalačhengri ela phagerďi, ale le čačipnaskren podhazdela o RAJ.

Žalmi 37:24

Te leske poddžala o pindre, na perela, bo o RAJ les chudel vastestar.

Žalmi 41:12

Pal oda prindžarava, hoj som tuke pre dzeka, te miro ňeprijaťeľis mange na radisaľola.

Žalmi 54:4

Šun miro mangipen, Devla! Prithov o kan paš o lava mire mujeskre!

Žalmi 63:8

Tu sal miri pomoca, vašoda giľavava radišagoha andro ciňos tire kridlengro.

Žalmi 94:18

Sar phenďom: „Poddžal mange o pindro,“ tiro verno kamiben mange pomožinďa, RAJEJA.

Izajaš 41:10

Ma dara tut, bo me som tuha; ma predara, bo me som tiro Del, dava tut zor a pomožinava tuke; podhazdava tut mire spravodľive čače vasteha.

Izajaš 42:1

„Dikh, miro služobňikos, saves zoraľarav, miro avrikidlo, savo mange hino pre dzeka. Mire duchos thoďom pre leste, ov anela o spravodľišagos le narodenge.

Izajaš 45:17

O RAJ spasinela le Izrael a oda spaseňje ela pro furt; imar šoha tumen na ladžana a na avena teledikhle.

Rimanenge 10:11

Bo hin pisimen: „Sako, ko andre leste pačala, na ladžala pes.“

Rimanenge 5:5

A kadi naďej amenge šoha na ela pre ladž, bo o kamiben le Devleskro hino avričhido andre amare jile prekal o Sveto Duchos, savo amenge sas dino.

1. Peter 2:6

Vašoda hin pisimen andro Lav le Devleskro: „Thovav pro Sion o hlavno bar, o avrikidlo the igen vzacno bar; oda, ko andre leste pačala, na ladžala pes.“