Žalmi 112:10 - Le Devleskero Lav Andre Romaňi Čhib Slovensko 2021

¹⁰ O nalačho manuš oda dikhela a choľisaľola, randela le dandenca a ela zňičimen; oda, so kamen o nalačhe te kerel, našľola.

Žalmi 112:10 ပူးပေါင်းရင်းမြစ်များ

Nehemiaš 2:10

Ale sar o Chorončanos Sanbalat the o Amončanos Tobiaš, savo sas uradňikos, šunde, hoj avľa manuš, so kamel te kerel lačho le Izraelitenge, igen choľisaľile.

O Job 20:7

ela odphurdlo het pro furt avke sar prachos. Ola, ko les džanenas, phenena: ‚Kaj hino?‘

O Job 8:13

Avke doperena ola, ko bisteren pro Del; e naďej ole manušengri, so pes na daran le Devlestar, našľola.

Žalmi 37:12

O nalačho gondoľinel te kerel namištes le spravodľivoneske; randel pre leste le dandenca.

Žalmi 86:17

RAJEJA, ker vareso, hoj mange te sikaves tiro lačhipen, hoj pes te ladžan ola, ko mange na žičinen, sar dikhena, hoj tu mange pomožines a poťešines man.

Prislovja 10:28

E naďej le spravodľivengri anel o radišagos, no o užaripen le nalačhengro našľola.

Prislovja 11:7

Sar merel o nalačho, merel leha the leskri naďej a oda, pre soste užarel, ela pre ňisoste.

Matuš 22:13

Akor phenďa o kraľis le sluhenge: ‚Phanden leske o pindre the o vasta a čhiven les avri andro kaľipen!‘ Ode ela o roviben a randena le dandenca andre dukh.

Matuš 8:12

ale o čhave le kraľišagoskre ena avričhide andro baro kaľipen, kaj ela o roviben a randena le dandenca andre dukh.“

Лукастар 13:28

Ode ela o roviben a randena le dandenca andre dukh, sar dikhena le Abraham, le Izak, le Jakob the savore proroken andro kraľišagos le Devleskro a tumen avena avričhide.