Žalmi 110:3 - Le Devleskero Lav Andre Romaňi Čhib Slovensko 2021

³ Oda džives, sar džaha andro mariben, tire manuša avena pal tute korkore pestar. Avke sar e rosa avel avri sig tosara, avke tire terne murša avena ke tu pre tire sveta verchi.

Žalmi 110:3 ပူးပေါင်းရင်းမြစ်များ

1. Kronicko 16:29

Den le RAJESKE e slava hodno leskre naveske! Hazden upre o dari a džan angle leste! Banďon tele anglo RAJ andre leskro sveto šukariben!

Nehemiaš 11:2

O manuša žehňinenas savore ole dženenge, save korkore pestar džanas te bešel andro Jeruzalem.

Žalmi 29:2

Lašaren e slava le RAJESKRE naveskri! Bararen le RAJES andre leskro sveto šukariben!

Žalmi 96:9

Banďon tele anglo RAJ, angle leskro sveto šukariben! Izdra lestar, caľi phuv!

Ezechiel 43:12

Kada hin o zakonos pal o Chramos: Calo oda upruno than le verchoskro pašal o Chramos ela igen sveto. Kajso hin o zakonos pal o Chramos.“

Micheaš 5:6

Ola, ko ačhena te dživel andral o Jakob, ena akor maškar aver narodi sar e rosa le RAJESTAR, sar o brišind pre čar, save pes na muken pro manuš a na užaren pro čhave le manušeskre.

Skutki 1:8

Ale avela pre tumende o Sveto Duchos, prilena leskri zor a avena mire švedki andro Jeruzalem the pal caľi Judsko the andre Samarija a paľis the dži andro posledno agor la phuvakro.“

Skutki 19:20

Kavke zorales barolas o lav le Devleskro a zoraľolas.

Skutki 2:33

O Del les hazdňa upre paš peskro čačo vast a priiľa le Dadestar le Svete Duchos, avke sar o Dad diňa lav. Ov les čhiďa avri pre amende a oda hin oda, so tumen akana dikhen the šunen.

Skutki 2:41

Avke ola džene, ko radišagoha priile leskro lav, pes dine te bolel. A andre oda džives pes ke lende pridine vaj trin ezera (3 000) manuša.

Skutki 21:20

Sar oda on šunde, lašarenas le Devles. A on leske paľis phende: „Tu dikhes, phrala, keci but ezera Židi kade pačanďile a savore igen kamen o Zakonos.

Skutki 4:4

Ale but džene olendar, ko šunde o lav, pačanďile a imar sas vaj pandž ezera (5 000) murša.

2. Korinťanenge 13:4

Bo kajte sas ukrižimen andro slabišagos, no dživel le Devleskra zoratar. Avke the amen sam slaba andre leste, ale leha dživaha prekal tumende le Devleskra zoraha.

2. Korinťanenge 8:12

Te kamen te del, le Devleske na džal pal oda, či tumen hin abo nane, ale pal oda, keci den olestar, so tumen hin.

2. Korinťanenge 8:16

Paľikeras le Devleske, hoj thoďa le Titoske andro jilo kajso starišagos pal tumende.

Efežanenge 1:4

Se mek aňi o svetos na sas kerdo, imar peske amen o Del kidňa avri prekal peste, hoj te avas andro Kristus sveta the bi e chiba a te dživas andro kamiben.

Filipanenge 2:13

Bo o Del hino oda, ko andre tumende kerel, hoj na ča te kamen, ale the te keren oda, so hin leske pre dzeka.

1. Tesaloničanenge 4:7

Bo na vičinďa amen o Del pre oda, hoj te avas nažuže, ale hoj te dživas sveto dživipen.

Titoske 2:14

Ov diňa pes korkores vaš amenge, hoj amen te cinel avri andral savoro nalačhipen a hoj peske te žužarel peskre avrikidle manušen, save igen kamen te kerel o lačhipen.

Židenge 13:21

tumen mi vizbrojinel andre savoro lačhipen, hoj te keren leskri voľa. Ov andre amende mi kerel oda, so hin leske pre dzeka, prekal o Ježiš Kristus. Leske mi džal e slava na veki vekov. Amen.

Zjaveňje 7:9

Paľis dikhľom a sas ode pherdo manuša, saven ňiko našťi zrachinelas, andral savore narodi, kmeňi, nipi the čhiba. Ola manuša ačhenas anglo tronos the anglo Bakroro, urde andro džinďarde parne gada a sas len andro vasta o palmi.

Sudcengro 5:2

„Lašaren le RAJES, bo o vodci chudle te ľidžal o Izrael andro mariben a o manuša pes pridine korkore pestar!

Sudcengro 5:9

Miro jilo hino le vodcenca andral o Izrael, le manušenca, save gele korkore pestar andro mariben. Lašaren le RAJES!