Žalmi 109:23 - Le Devleskero Lav Andre Romaňi Čhib Slovensko 2021

²³ Našľuvav avke sar o ciňos rači, som sar e kobilka razimen tele.

Žalmi 109:23 ပူးပေါင်းရင်းမြစ်များ

1. Kronicko 29:15

Sam cudzinci the hosci andre tire jakha, avke sar the amare phure dada. Amaro časos pre kadi phuv hino sar o ciňos, so predžal, a sig meras.

O Job 14:2

Kvitňisaľol sar e kvitka a šučol avri, našľol sar o ciňos a na ľikerel avri.

Žalmi 102:12

Mire dživesa našľon sar račakro ciňos; šučuvav avri sar čar.

Žalmi 144:4

O manuš hino sar e balvajori, leskre dživesa hine sar o ciňos, so našľol.

2. Mojžišoskro 10:13

Avke o Mojžiš hazdňa peskri paca upral o Egipt a o RAJ bičhaďa andre odi phuv e balvaj le vichodostar. E balvaj phurdelas calo džives the calo rat a tosara ode anďa le kobilken.

2. Mojžišoskro 10:19

a o RAJ visarďa e balvaj, hoj te phurdel zorales le zapadostar. Odi balvaj odľigenďa savore kobilken andro Lolo moros. Avke andre calo Egipt na ačhiľa aňi jekh kobilka.

Kazaťeľis 6:12

Ko džanel, so hin lačho prekal o manuš andre leskro charno dživipen, so nane pre ňisoste a predžal sig sar o ciňos? Ko phenela le manušeske, so ačhela pre phuv pal leskro meriben?

Kazaťeľis 8:13

Le nalačhenge na ela mištes a lengro dživipen predžala sig avke sar o ciňos, bo na daran pes le Devlestar.

Jakob 4:14

Se tumen na džanen so ela tajsa tumare dživipnaha! San sar e para, so pes pro sikra sikavel a paľis našľol.