Žalmi 104:5 - Le Devleskero Lav Andre Romaňi Čhib Slovensko 2021

⁵ Ačhaďal e phuv pre lakre zakladi; šoha pes na čhalavela.

Žalmi 104:5 ပူးပေါင်းရင်းမြစ်များ

O Job 26:7

Ov nacirdel o severno ňebos ode, kaj nane ňič, e phuv figinďa upral ňisoste.

Žalmi 119:90

Pal jekh pokoleňje pre aver ľikerel tiri vernosť; tu zathoďal e phuv a ačhel zorales.

Žalmi 136:6

Ov rozcirdňa e phuv upral o paňa, bo leskro verno kamiben ľikerel pro furt.

Žalmi 24:2

se ov les zathoďa pro mori a ačhaďa pro paňa.

Žalmi 33:9

Bo ov phenďa a ačhiľa pes, rozkazinďa a o svetos pes kerďa.

Žalmi 93:1

O RAJ kraľinel, urďa pre peste o šukariben; o RAJ pes urďa a phandľa pašal peste e zor. He, o svetos zathoďa zorales, na čhalavela pes.

Žalmi 96:10

Vakeren maškar o narodi: „O RAJ kraľinel!“ E phuv hiňi zorales zathoďi, na čhalavela pes! Ov sudzinel le manušen čačipnaha.

Prislovja 8:29

Me somas the ode, sar kerďa o hraňici le moroske, hoj te na prečhorďon o paňa dureder, sar lenge prikazinďa, a the ode, kaj merinelas o zakladi la phuvakre.

Kazaťeľis 1:4

Jekh pokoleňje oddžal, dujto pokoleňje avel, ale e phuv ačhel furt.

2. Peter 3:10

A o džives le Rajeskro avela sar o živaňis počoral. Andre oda džives o ňebos našľola bara vikaha a sa, so hin upre pro ňebos, zlabola andre jag a e phuv the sa, so pre late hin, ela zňičimen.

Zjaveňje 20:11

Dikhľom baro parno tronos the Oles, ko upre bešelas. E phuv the o ňebos anglal leste denašľa a na sas prekal lende than.

Zjaveňje 6:14

O ňebos pes scirdňa andre sar zapačardo papiris a savore verchi the ostrovi pes čhalade pal peskre thana.

1. Samueloskro 2:8

Le slabes hazdel andral o prachos; le čores cirdel avri andral e čik, hoj len te thovel te bešel le rajikane manušenca a te thovel len te bešel pro pačivalo tronos. Bo le RAJESKRE hine o slupi, so ľikeren e phuv, bo pre lende ačhaďa o svetos.